Bʼantajik 4

Xeʼesax chuwäch ri kotzʼiʼjalaj ulew

CHAWILAʼ sulaʼ tijan kbʼanik. Tijan keʼesax ri Adán rukʼ Eva cho ri kotzʼiʼjalaj Ulew. ¿La awetaʼm suche?

Rumal che kʼo jun utz täj xkebʼano. Rumal laʼ ri Jehová xeresaj bʼik. ¿La awetaʼm sulaʼ xkebʼan ri Adán xuqujeʼ Eva?

Xkebʼano su xubʼij ri Ajawaxel chike, che kkebʼan täj. Ri Ajawaxel xubʼij chike che utz kketij ri täq cheʼ rech ri kotzʼiʼjalaj Ulew. Tekʼuriʼ xubʼij chike che kʼo jun cheʼ che utz täj kketijo; we kketijo, kekamik. Ri Adán rukʼ Eva kʼot suche kketij ruwäch wajun cheʼ riʼ. Xuqujeʼ qetaʼm che utz täj kqachap kech nikʼaj chik ¿la qastzij o qastzij täj? Tekʼuriʼ, ¿sulaʼ xbʼantajik?

Jun qʼij chiʼ ri Eva kʼo utikel pa ri kotzʼiʼjalaj Ulew, xchʼabʼex rumal jun kumätz. ¡Chatampeʼ! Ri kumätz xubʼij che ri Eva che kutij ruwäch ri cheʼ, che ubʼim ri Ajawaxel che utz täj kketijo. Chiʼ ri Jehová xubʼan ri kumätz, rech täj kchʼawik xubʼano. Rumal laʼ kʼo jun chik xubʼan che ri kumätz che xchʼawik. ¿Chinlaʼ?

Are ta ri Adán. Are jun chike ri xeʼubʼan ri Jehová nabʼe cho ruwäch Ulew. Wariʼ e ángeles, xuqujeʼ kojkun täj keqilo. Wajun ángel riʼ xubʼan nim che ribʼ. Xpe pa ujolom che kubʼan qʼatbʼaltzij junam che ri Ajawaxel xuqujeʼ rajawaxik che are knimax areʼ chuwäch ri Jehová. Rumal laʼ xubʼan che ri kumätz che xchʼawik.

Wajun ángel xkunik xusach ri Eva. Xubʼij che ri Eva che kubʼan junam rukʼ ri Ajawaxel, xuqujeʼ che kʼo retaʼmbʼäl chiʼ kutij ri uwäch ri cheʼ, ri Eva xuto su xubʼij. Rumal laʼ xutijo, xuqujeʼ ri Adán xutijo. Adán rukʼ Eva xeniman ta che ri Ajawaxel, rumal laʼ xeʼesax pa ri kotzʼiʼjalaj Ulew.

Ri Ajawaxel kubʼan na sibʼalaj utz junam rukʼ ri kʼotzʼiʼjalaj Edén che ronojel ruwäch Ulew. Kqil na su kabʼan at rech katkunik kattobʼik. Wa kimik kqilo su xkebʼan ri Adán rukʼ Eva.

Génesis 2:16, 17; 3:1-13, 24; Apocalipsis 12:9.