Ri Ajawaxel are ri sibʼalaj utz qachiʼl che kʼolik

We kqabʼan urachiʼl ri Ajawaxel sibʼalaj utz kqariqo. Ri Ajawaxel kukʼut na chawäch, ni kariq wi ri kikotemal xuqujeʼ ri uxlunem; katresaj na chupam ri sachinaq täq kojonik xuqujeʼ ri jechʼ täq noʼjibʼäl che katuyaʼ pa kʼäx. Kutaʼ na achʼawem. Kujororisaj na awanimaʼ xuqujeʼ kuyaʼ na kubʼsal kʼuʼx chawe (Salmo 71:5; 73:28). Ri Ajawaxel kuyaʼ na utoqʼobʼ chawe jachiʼ atkʼo pa kʼäx (Salmo 18:18). Xuqujeʼ ri Ajawaxel kutzujuj jun sipanik, are ri kʼaslemal che kʼot ukʼisik (Romanos 6:23).

We kojqebʼ rukʼ ri Ajawaxel, xuqujeʼ kojqebʼ kukʼ täq rachiʼl ri Ajawaxel. Urachiʼl ri Ajawaxel xuqujeʼ kkebʼan na awachiʼl. Qastzij wi, kkebʼan awachalal. Kekikotik che ukʼutik Utzij ri Ajawaxel chawäch xuqujeʼ kkeyaʼ achuqʼabʼ.

Ujunam ta rukʼ ri Ajawaxel. Jachiʼ kqatzukuj rachiʼlaxik ri Ajawaxel, rajawaxik kqetamaj wariʼ: che ujunam ta rukʼ areʼ. Ri Ajawaxel sibʼalaj kʼi ujunabʼ che qawäch, nim uchoqʼabʼ xuqujeʼ nim uretaʼmabʼäl. Xiw ri Ajawaxel yaʼtalche che Ajkʼamolbʼe chaqe. Rumal laʼ, we kqaj kqachilaj ri Ajawaxel, kraj kqataʼ utzij xuqujeʼ kqabʼano jas (su) kutaʼ chaqe. We kqato xuqujeʼ kqabʼan utzij ri Ajawaxel sibʼalaj utz na qawäch (Isaías 48:18).