KʼUTUNEM 15

Kubʼan ta kebʼ akʼuʼx che ubʼixik ri e tzij

1 Tesalonicenses 1:5

RESUMEN: Chakʼutuʼ che qastzij kakoj ri tajin katzijoj xuqujeʼ che nim ubʼanik chawach.

Qas utz utijoxik awibʼ chabʼanaʼ. Qas chatijoj awibʼ che ri kaya ubʼixik rech qas kachʼobʼ ri pixabʼ che kuya ri Biblia rech kaya jun utzalaj kʼutunem. Chakojoʼ achuqʼabʼ rech kʼi ta tzij kakojo xuqujeʼ kʼax ta uchʼobʼik. Chachomaj ri kabʼan che kitoʼik ri kattatabʼenik. Chataʼ ri uxlabʼixel pa chʼawem.

Chasikʼij uwach ri kaya ubʼixik rukʼ chuqʼabʼ are chiʼ katijoj awibʼ rech qas kkanaj kan ri e pixabʼ pa ajolom xuqujeʼ rech qas utz kelik are chiʼ kayaʼo.
Chakojoʼ tzij che qas kuya uchuqʼabʼ ri kabʼij. Are ta kabʼij ronojel ri tzij che e tzʼibʼatalik, are chakojoʼ tzij che qas awech at. Chakʼutuʼ rukʼ ri e atzij che qas kakoj ri tajin kaya ubʼixik.
Chakʼutuʼ che kakoj ri katzijoj xuqujeʼ chatchʼaw rukʼ awanimaʼ. Xa ta katjasjatik, chattzijon rukʼ utz volumen. Xuqujeʼ chatkaʼy chke ri e kʼolik are chiʼ kattzijonik.

Rukʼ ta oyowal kaya pixabʼ xuqujeʼ kaya ta uwiʼ ri tzʼibʼatalik. Chakʼutuʼ che qas kakoj ri kabʼij are kʼu rukʼ loqʼoqʼebʼal.