KʼUTUNEM 14

¿Jas rajawaxik kqabʼano rech utz kril ri Dios ri qaqʼijilanik?

Ri k'o pa ri wuj

Pa ri jun kan kʼutunem xqilo che ri Dios utz ta kril konojel ri kojonem. Are kʼu kojkunik kqaya uqʼij ri qaTat rech kkikotik. ¿Jas «qʼijilanik» o kojonem utz kril ri areʼ? (Santiago 1:27). Chqilampeʼ ri kukʼut ri Biblia.

1. ¿Jawchiʼ kyaʼ wi ubʼixik ri kqabʼan che uqʼijilaxik ri Dios?

Pa ri Biblia kqetaʼmaj ri kqabʼan che uqʼijilaxik ri Dios. Ri Jesús xubʼij che ri Dios: «Ri tzij la are ri qastzij» (Juan 17:17). E jujun taq kojonem kkibʼan ta ri kubʼij ri Biblia ri uTzij ri Dios; xaneʼ are kkibʼan ri kinaqʼatisabʼal y ri kichomanik ri winaq. Ri Jehová utz ta krilo che knimax ta ri utaqanik (chasikʼij Marcos 7:9). Are kʼu ri oj kqaya kikotemal che ri Jehová are chiʼ kqanimaj ri kubʼij ri Biblia y kqabʼan pa ri qakʼaslemal.

2. ¿Jas kqabʼan che uqʼijilaxik ri Jehová?

Rumal che ri Jehová are xbʼanow ronojel, xaq xiw ri areʼ taqal che kqaya uqʼij (Apocalipsis 4:11). Wariʼ kraj kubʼij che rajawaxik kqaloqʼoqʼej y xaq xiw ri areʼ kqaqʼijilaj, kqakoj ta nijun tyox, jun wachbʼal o jun símbolo che uyaʼik uqʼij (chasikʼij Isaías 42:8, TNM).

Ri qaqʼijilanik rajawaxik chʼajchʼoj y che kqaj chuwach ri Dios (Romanos 12:1). Wariʼ kraj kubʼij che rajawaxik kqanimaj ronojel ri utaqanik ri Dios. Jun kʼutbʼal ri winaq che kkiloqʼoqʼej ri Jehová kkinimaj y nim kkil wi ri taqanik chrij ri kʼulanem. Xuqujeʼ kkibʼan ta itzel taq jastaq, junam rukʼ utijik drogas, sikʼ y ri qʼabʼarik.a

3. ¿Jasche rajawaxik kqaya uqʼij ri Jehová kukʼ ri keniman che?

Ri e riqbʼal ibʼ che amaqʼel kqabʼano kojutoʼo rech kqaya uqʼij ri Jehová pa ri congregación (Salmo 111:1, 2). Jun chke are ubʼanik bʼixonem che ri Dios (chasikʼij Salmo 104:33). Ri Jehová kubʼij chqe che kqamulij qibʼ rumal che kojuloqʼoqʼej y retaʼm che ri riqbʼal ibʼ kojutoʼo rech kqariq kikotemal pa ri qakʼaslemal. Are chiʼ kqamulij qibʼ kqaya kichuqʼabʼ nikʼaj chik xuqujeʼ kyaʼ qachuqʼabʼ oj.

CHANIMARISAJ RI AWETAʼMANIK

Chqilaʼ jasche ri Jehová kraj taj keqakoj tyox che uqʼijilaxik. Y chqilaʼ ri kojkunik kqabʼano rech kqaqʼijilaj ri Dios.

4. Ri Dios utz ta krilo che keqakoj tyox che uqʼijilaxik

¿Jasche qetaʼm che ri Dios utz ta krilo che keqakoj tyox? Chiwilaʼ ri VIDEO y chixtzijon chrij wariʼ:

VIDEO: ¿La kraj ri Dios che kekoj e tyox rech kqʼijilaxik? (3:26)

E jupuq wachbʼal: 1. Jun achi xukʼam bʼi rikil chuwach jun tyox y tajin kubʼan uchʼawem che. 2. Jun achi rukʼam jun rosario y tajin kubʼan uchʼawem che ri virgen María

¿Jas xkʼulmataj ojer are chiʼ ri utinamit ri Jehová xkikoj jun tyox che uqʼijilaxik?

Jujun winaq kkinaʼo che más naqaj e kʼo wi che ri Dios are chiʼ kekikoj tyox che uqʼijilaxik. Are kʼu, ¿la utz kril ri Dios chiʼ kkibʼan wariʼ? Chisikʼij Éxodo 20:4-6 y Salmo 106:35, 36, y chixtzijon chrij wariʼ:

¿Jas taq jastaq y tyox kekiqʼijilaj ri winaq kimik?
¿Jas kuchomaj ri Jehová chrij kikojik tyox?
¿Jas kachomaj at chrij kikojik tyox?

5. Kqaxutuj ri molom taq tzij we xaq xiw ri Jehová kqaqʼijilaj

Chqilaʼ jasche ri qʼijilanik che utz kril ri Jehová kubʼano che kqaxutuj ri molom taq tzij. Chiwilaʼ ri VIDEO.

VIDEO: Ri qastzij xinutoʼo (5:16)

Chisikʼij Salmo 91:14 y chixtzijon chrij wariʼ:

We kqaloqʼoqʼej ri Jehová y xaq xiw ri areʼ kqaqʼijilaj, ¿jas kutzujuj chqe?

6. Kqaqʼijilaj ri Jehová pa ri e riqbʼal ibʼ

Are chiʼ kqaya qacomentarios y kojbʼixon pa ri e riqbʼal ibʼ kqaya uqʼij ri Jehová y kqaya qachuqʼabʼ chbʼil qibʼ. Chisikʼij Salmo 22:22 y chixtzijon chrij wariʼ:

¿La utz kata ri comentarios che keya pa ri riqbʼal ibʼ?
¿La kawaj katzukuj jun acomentario rech kaya pa ri riqbʼal ibʼ?

7. Jehová kraj che kqatzijoj chke nikʼaj chik ri kqetaʼmaj

Kʼo kʼi jastaq kojkunik kqabʼano rech kqakʼut chkiwach nikʼaj chik ri kubʼij ri Biblia. Chisikʼij Salmo 9:1 y 34:1, y chixtzijon chrij wariʼ:

Sibʼalaj kʼi qetaʼmam chrij ri Biblia, ¿jas kawaj katzijoj chke nikʼaj chik?

RI KKICHOMAJ JUJUN WINAQ: «Ri kraj ri Dios are che oj utz taq winaq, are ta ri kqabʼan che uqʼijilaxik».

¿Jas kachomaj at?

RI XQETAʼMAJ

Kqaya kikotemal che ri Jehová are chiʼ xaq xiw ri areʼ kqaqʼijilaj, chiʼ kqaya uqʼij pa taq ri riqbʼal ibʼ y chiʼ kqabʼij chke nikʼaj chik ri qetaʼmam.