¿Jas xubʼan ri Jesús are chiʼ xkʼojiʼ cho ri uwach Ulew?

Are chiʼ ri winaq kkita ri bʼiʼaj Jesús, e kʼi kkichomaj che are jun alaj neʼ, jun profeta o jun achi che xkamisaxik. Are kʼu, katkunik kawetaʼmaj más uwach ri Jesús we kawetaʼmaj ri xubʼan cho ri uwach Ulew. Pa wajun kʼutunem riʼ kqil na jujun taq chak che xubʼan ri Jesús che sibʼalaj nim ubʼanik, y ri kubʼan pa ri akʼaslemal at.

1. ¿Jas chak nim ubʼanik xubʼan ri Jesús?

Ri chak che xubʼan ri Jesús are che xutzijoj ri utzalaj taq tzij re ri uQʼatbʼal tzij ri Dios chke ri winaq (chasikʼij Lucas 4:43). Xuya ubʼixik che ri Dios kukoj na jun Qʼatbʼal tzij rech kusukʼumaj ronojel ri kʼax che kibʼanom ri winaq.a Ri Jesús oxibʼ junabʼ rukʼ nikʼaj xuya ubʼixik ri utzalaj taq tzij riʼ (Mateo 9:35).

2. ¿Jas xukʼut ri milagros che xubʼan ri Jesús?

Ri Biblia kubʼij: «Ri Dios xeʼubʼan mayibʼal, kajmajibʼal xuqujeʼ etal chxoʼl alaq rumal ri Jesús» (Hechos 2:22). Rumal ri uchuqʼabʼ ri Dios ri Jesús xkunik xuqʼatej jun nimalaj kaqiqʼ jabʼ, xeʼutzuq kʼi winaq, xeʼukunaj ri yawabʼibʼ y xeʼukʼasuj ri kaminaqibʼ (Mateo 8:23-27; 14:15-21; Marcos 6:56; Lucas 7:11-17). Ri milagros che xubʼan ri Jesús kukʼutu che are ri Dios xtaqow loq. Xuqujeʼ xukʼutu che ri Jehová kkunik kusukʼumaj ronojel ri kʼax che kkiriq ri winaq.

3. ¿Jas kqetaʼmaj chrij ri ukʼaslemal ri Jesús?

Ri Jesús amaqʼel xunimaj ri Jehová (chasikʼij Juan 8:29). Amaqʼel xnimanik y xubʼan ri xubʼij ri uTat paneʼ ri nikʼaj chik xkaj xkiqʼatej uwach. Xukʼutu che oj xuqujeʼ kojkunik kqapatanij ri Dios paneʼ kqariq nimaʼq taq kʼax. Je wariʼ ri Jesús xuya kan jun kʼutbʼal chke ri utijoxelabʼ «rech kkitaqej ri retal raqan» o kkibʼan ri xubʼan ri areʼ (1 Pedro 2:21).

5. Ri Jesús xukʼut kan pixabʼ che nim ubʼanik

Ri Jesús xaq xiw ta xutzijoj ri utzalaj taq tzij re ri uQʼatbʼal tzij ri Dios, xaneʼ xuqujeʼ xuya ubʼixik jujun taq pixabʼ rech kqakoj pa ri qakʼaslemal. Chqilaʼ jujun taq pixabʼ che xuya ubʼixik pa ri Sermón del Monte. Chisikʼij Mateo 6:14, 34 y 7:12, y chixtzijon chrij wariʼ:

• ¿Jas utz taq pixabʼ xubʼij ri Jesús pa ri versículos riʼ?

• ¿Jas kachomaj at, la ktobʼan ri e pixabʼ riʼ chke ri winaq kimik?

6. Ri Jesús xubʼan milagros

Ri Jehová xuya uchuqʼabʼ ri Jesús rech xubʼan milagros. Chiwilaʼ jun kʼutbʼal, chisikʼij Marcos 5:25-34 o chiwilaʼ ri VIDEO. Tekʼuriʼ chixtzijon chrij wariʼ:

VIDEO: Xkunax jun ixoq (5:10)

• Junam rukʼ ri xqil pa ri video, ¿jas qas retaʼm ri ixoq?

• ¿Jas más utz xawil che ri milagro?

Chisikʼij Juan 5:36 y chixtzijon chrij wariʼ:

• ¿Jas kukʼut ri milagros che xubʼan Jesús?

RI XQETAʼMAJ

Jesús xutzijoj ri uQʼatbʼal tzij ri Dios, xubʼan milagros y amaqʼel xniman che ri Jehová.

¿La knaʼtaj chawe?

• ¿Jas más xutzijoj ri Jesús are chiʼ xkʼojiʼ cho ri uwach Ulew?

• ¿Jas xukʼut ri milagros che xubʼan ri Jesús?

• ¿Jas pixabʼ xukʼut ri Jesús?

CHAWILAʼ CHI NIKʼAJ

¿Jas ri más xuya ubʼixik ri Jesús?

«¿Jasche sibʼalaj nim ubʼanik ri uQʼatbʼal tzij ri Dios chuwach ri Jesús?» (La Atalaya, 1 re octubre 2014)

Chawilaʼ jasche qastzij xebʼantaj ri milagros che xubʼan Jesús.

«¿Jas kqetaʼmaj chrij ri milagros che xubʼan ri Jesús?» (La Atalaya, 15 re julio 2004)

Chawilaʼ ri xubʼan jun achi che ukʼexik ri ukʼaslemal are chiʼ xretaʼmaj che ri Jesús xaq xiw ta xchoman chrij chbʼil ribʼ.

«Xaq xiw xinchoman chbʼil wibʼ» (La Atalaya, 1 re octubre 2014)

Chawilaʼ ri xukʼulmaj ri Jesús pa ri ukʼaslemal pa orden cronológico.

«Ri ukʼaslemal ri Jesús pa ri uwach Ulew» (Tobʼanik rech ketaʼmax chrij ri Utzij ri Dios, kʼutunem 4-B)