¡Ubʼanik ri qasanjaʼ kuya kikotemal!

Ri Jesús xukʼutu che rech kojux cristianos, rajawaxik kqabʼan ri qaqasanjaʼ (chasikʼij Mateo 28:19, 20). Are kʼu, ¿jas riʼ ri qasanjaʼ? ¿Y jas rajawaxik kubʼan jun winaq rech kkunik kubʼan uqasanjaʼ?

1. ¿Jas riʼ ri qasanjaʼ?

Ri verbo qasanjaʼ petinaq pa ri chʼabʼal griega che kraj kubʼij «knim bʼi» chuxeʼ ri jaʼ. Are chiʼ ri Jesús xubʼan ri uqasanjaʼ xnim pa ri jaʼ Jordán tekʼuriʼ «xel uloq chupam» (Marcos 1:9, 10). Chiʼ ri qastzij cristianos kkibʼan kiqasanjaʼ xuqujeʼ kenim bʼi chuxeʼ ri jaʼ.

2. ¿Jas kukʼut ri winaq are chiʼ kubʼan ri uqasanjaʼ?

Are chiʼ jun winaq kubʼan uqasanjaʼ, kukʼutu che ya xujach ri ukʼaslemal che ri Jehová. ¿Y jas rajawaxik kubʼan jun winaq rech kujach ri ukʼaslemal che ri Jehová? Rajawaxik kubʼan jun chʼawem che ri Dios y kubʼij che, che kupatanij pa ronojel ri ukʼaslemal, che xaq xiw ri areʼ kuqʼijilaj y kubʼan ri ktaqan wi. Kubʼan wajun chʼawem riʼ chiʼ majaʼ kubʼan ri uqasanjaʼ. Xuqujeʼ rajawaxik kresaj uwach ri ukʼutbʼal ri Jesús, che xubʼij: «We kʼo jun kraj kpe wukʼ in mubʼan ri urayibʼal xaneʼ» chubʼanaʼ ri kinbʼan in (Mateo 16:24). Chiʼ ri winaq kujach ri ukʼaslemal y kubʼan ri uqasanjaʼ kkʼojiʼ jun utzalaj rachilanik rukʼ ri Jehová xuqujeʼ kukʼ nikʼaj chi cristianos.

3. ¿Jas rajawaxik kubʼan jun winaq rech kkunik kubʼan uqasanjaʼ?

We kawaj kabʼan aqasanjaʼ, nabʼe rajawaxik kawetaʼmaj chrij ri Jehová y katkojon chrij (chasikʼij Hebreos 11:6). Are chiʼ más knimar ri awetaʼmanik y ri akojonik, más kaloqʼoqʼej ri Jehová. Y wariʼ kubʼano che kawaj katzijoj ri utzij ri Dios y kabʼan pa ri akʼaslemal ri kubʼij ri Biblia (2 Timoteo 4:2; 1 Juan 5:3). Chiʼ kabʼan ri kraj ri Jehová, katkunik kajach ri akʼaslemal che y kabʼan ri aqasanjaʼ (Colosenses 1:9, 10).a

CHANIMARISAJ RI AWETAʼMANIK

4. Ri kukʼut ri uqasanjaʼ ri Jesús chqawach

Rech kiwetaʼmaj más chrij ri uqasanjaʼ ri Jesús, chisikʼij Mateo 3:13-17. Tekʼuriʼ chixtzijon chrij wariʼ:

• ¿La alaj neʼ na ri Jesús are chiʼ xbʼan ri uqasanjaʼ?

• ¿La xaq jubʼiqʼ jaʼ xyaʼ pa ujolom? ¿Jas xbʼan che ubʼanik ri uqasanjaʼ?

Are chiʼ ri Jesús xubʼan ri uqasanjaʼ xumajij ubʼanik ri chak che xyaʼ che rumal ri Dios. Chisikʼij Lucas 3:21-23 y Juan 6:38, y chixtzijon chrij wariʼ:

• Are chiʼ ubʼanom chi uqasanjaʼ, ¿jas chak más nim ubʼanik chuwach ri Jesús?

5. Katkunik kabʼan aqasanjaʼ

Weneʼ kaxeʼj awibʼ kajach ri akʼaslemal che ri Dios y kabʼan aqasanjaʼ. Are kʼu we kawetaʼmaj más chrij ri Jehová y knimar ri aloqʼoqʼenik che, qas kawaj riʼ kabʼan ri aqasanjaʼ. Rech kichʼobʼ kiwach jujun winaq che xkibʼan wariʼ, chiwilaʼ ri VIDEO

VIDEO: Chanimarisaj ri awachilanik rukʼ ri Jehová (1:11)

Chisikʼij Juan 17:3 y Santiago1:5, y chixtzijon chrij wariʼ:

• ¿Jas ktoʼw jun winaq rech kkunik kubʼan uqasanjaʼ?

1. Kqajach ri qakʼaslemal che ri Jehová are chiʼ kqabʼij che, che kqaj kqapatanij pa ronojel ri qakʼaslemal.

2. Are chiʼ kqabʼan ri qasanjaʼ kqakʼut chkiwach konojel che qajachom chi ri qakʼaslemal che ri Dios.

6. We kabʼan aqasanjaʼ katkʼojiʼ pa ri ufamilia ri Jehová

Are chiʼ kqabʼan qaqasanjaʼ kojkʼojiʼ pa jun utzalaj familia che kʼo cho ronojel ri uwach Ulew. Apastaneʼ ri qabʼantajik o ri xqabʼan kan pa ri qakʼaslemal ojer kanoq, qonojel junam ri kojkojon chrij y kqabʼan pa ri qakʼaslemal ri kubʼij ri Biblia. Chisikʼij Salmo 25:14 y 1 Pedro 2:17, y chixtzijon chrij wariʼ:

• Junam rukʼ ri kubʼij ri versículos riʼ, ¿jas kqariqo chiʼ kqabʼan ri qaqasanjaʼ?

RI XQETAʼMAJ

Ri Jesús xubʼij che rech kojux cristianos rajawaxik kqabʼan ri qaqasanjaʼ. Y, rech kojkunik kqabʼan wariʼ, rajawaxik kkʼojiʼ jun nim qakojonik chrij ri Jehová, kqanimaj ri utaqanik y kqajach ri qakʼaslemal che.

¿La knaʼtaj chawe?

• ¿Jas riʼ ri qasanjaʼ, y jasche nim ubʼanik?

• ¿La kʼo ubʼanik ri ujachik kʼaslemal rukʼ ri qasanjaʼ?

• ¿Jas rajawaxik kubʼan jun winaq rech kkunik kujach ri ukʼaslemal che ri Jehová y kubʼan uqasanjaʼ?

CHAWILAʼ CHI NIKʼAJ

Chawetaʼmaj jas kraj kubʼij ri qasanjaʼ y chawilaʼ ri kichomanik ri winaq chrij che utz taj.

«¿Jas riʼ ri qasanjaʼ?» (Kʼutunem re jw.org)

Chawilaʼ jujun pixabʼ che katutoʼo rech katkunik kabʼan ri qasanjaʼ.

«Ri qaloqʼoqʼebʼal y ri qamaltyoxinik che Jehová kubʼano che kqabʼan qaqasanjaʼ» (Ri Chajinel, marzo 2020)

Chawilaʼ ri xubʼan jun achi rech xkunik xubʼan uqasanjaʼ.

«Xkaj che nutukel xwetaʼmaj ri qastzij» (La Atalaya, 1 re febrero 2013)

Chawilaʼ jasche rajawaxik kabʼan ri aqasanjaʼ y jas katkunik kabʼano.

«¿La kinkun chik kinbʼan nuqasanjaʼ?» (Lo que los jóvenes preguntan. Respuestas prácticas [volumen 2], capítulo 37)