KʼUTUNEM 54
Ri chak che kubʼan ri «jikalaj pataninel, utz uchomanik»
Ri Jesús «are ujolom ri komon kojonelabʼ» (Efesios 5:23). Kimik, are kukoj ri «jikalaj pataninel, utz uchomanik» che ukʼamik ubʼe ri utinamit ri Dios cho ri uwach Ulew (chasikʼij Mateo 24:45). Are ri Jesús xchaʼow ri «jikalaj pataninel» rumal laʼ kʼo taqanik pa uqʼabʼ. Paneʼ je wariʼ, are kunimaj ri Cristo y keʼupatanij ri rachalal ri Cristo. ¿Jachin riʼ ri jikalaj pataninel? ¿Jas kubʼan che qatoʼik?
1. ¿Jachin riʼ ri «jikalaj pataninel, utz uchomanik»?
Ri Jehová amaqʼel e ukojom achijabʼ che ukʼamik ubʼe ri utinamit (Malaquías 2:7; Hebreos 1:1). Jun kʼutbʼal, are chiʼ kaminaq chi ri Jesús, are ri apóstoles y ri kʼamal taq bʼe re Jerusalén ri xekʼamow ubʼe ri congregación (Hechos 15:2). Junam rukʼ wariʼ, kimik ri Jupuq Ajkʼamal bʼe cho ronojel uwach Ulew kech ri testigos rech Jehová kkiya ri kajwataj che ri utinamit ri Dios xuqujeʼ kkikʼam ubʼe ri utzijoxik ri utzij ri Dios. Ri jupuq riʼ are «ri jikalaj pataninel, utz uchomanik, ri xkoj rumal ri rajaw [Jesús]» rech kubʼan ri chak riʼ (Mateo 24:45a). Konojel ri e kʼo pa ri Jupuq Ajkʼamal bʼe cho ronojel uwach Ulew e chaʼom rumal ri uxlabʼixel y keyem che kkiqʼat tzij pa ri kaj rukʼ ri Cristo are chiʼ kekamik.
2. ¿Jas riʼ ri qawa pa uxlabʼal che kuya ri jikalaj pataninel?
Ri Jesús xubʼij kanoq che ri jikalaj pataninel kuya na chke ri nikʼaj chi cristianos «ri tzuqbʼal kech pa ri kiqʼijol» (Mateo 24:45b). Junam rukʼ ri qawa che kuya qachuqʼabʼ, ri qawa pa uxlabʼal kuya qachuqʼabʼ rech kojux sukʼ che ri Jehová y kqatzʼaqatisaj ri chak che xubʼij kan ri Jesús chqe (1 Timoteo 4:6). Ri qawa pa uxlabʼal kqariq pa taq ri riqbʼal ibʼ, nimaʼq taq riqbʼal ibʼ, chupam ri wuj y videos che esam pa ri Biblia. Ronojel wariʼ kojutoʼo rech kqachʼobʼ ri kraj ri Jehová chqe xuqujeʼ kkʼojiʼ jun utzalaj qachilanik rukʼ.
CHANIMARISAJ RI AWETAʼMANIK
Chqilaʼ jasche kajwataj ri utobʼanik ri «jikalaj pataninel, utz uchomanik» chqe, kraj kubʼij, ri Jupuq Ajkʼamal bʼe cho ronojel uwach Ulew.
Ri Jupuq Ajkʼamal bʼe cho ronojel uwach Ulew kuya ri kiwa pa uxlabʼal, pixabʼ y tobʼanik chke konojel ri testigos rech Jehová.
3. Ri utinamit ri Jehová rajawaxik kkʼojiʼ pa cholajil
Ri Jesús xukʼam kibʼe ri nabʼe taq cristianos pa ri nabʼe siglo. Y kimik xuqujeʼ tajin kukʼam ubʼe ri Jupuq Ajkʼamal bʼe cho ronojel uwach Ulew, rech kukʼam ubʼe ri kichak ri testigos rech Jehová. Chiwilaʼ ri VIDEO.
Chisikʼij 1 Corintios 14:33, 40 y chixtzijon chrij wariʼ:
Junam rukʼ ri xqil pa ri versículos riʼ, ¿la kraj ri Jehová che ri uTestigos kkibʼan ri kichak pa cholajil? ¿Jasche je kachomaj wariʼ?
4. Ri jikalaj pataninel are kkʼamow ubʼe ri utzijoxik ri utzij ri Dios
Chke ri nabʼe taq cristianos, ri utzijoxik ri utzij ri Dios are ri chak más nim ubʼanik chkiwach. Chisikʼij Hechos 8:14, 25 y chixtzijon chrij wariʼ:
Pa ri nabʼe siglo, ¿jachin xkʼamow ubʼe ri utzijoxik ri utzij ri Dios?
¿Jas xkibʼan Pedro y Juan rukʼ ri pixabʼ che xyaʼ chke kumal ri nikʼaj chi apóstoles?
Ri utzijoxik ri utzij ri Dios are ri chak más nim ubʼanik che kkikʼam ubʼe ri Jupuq Ajkʼamal bʼe cho ronojel uwach Ulew. Chiwilaʼ ri VIDEO.
Ri Jesús xubʼij che nim ubʼanik ri utzijoxik ri utzij ri Dios. Chisikʼij Marcos 13:10 y chixtzijon chrij wariʼ:
¿Jasche nim kril ri Jupuq Ajkʼamal bʼe cho ronojel uwach Ulew ri utzijoxik ri utzij ri Dios?
¿Jasche rajawaxik che ri «jikalaj pataninel» kukʼam ubʼe wajun chak riʼ?
5. Ri jikalaj pataninel kukʼam qabʼe
Ri Jupuq Ajkʼamal bʼe cho ronojel uwach Ulew kkikʼam kibʼe konojel ri cristianos. ¿Jas kkibʼan che uchaʼik jun pixabʼ? Chawilaʼ ri xubʼan ri jupuq ajkʼamal bʼe re ojer. Chisikʼij Hechos 15:1, 2 y chixtzijon chrij wariʼ:
¿Jas chrij xechʼojin wi ri cristianos re ri nabʼe siglo?
¿Jachin chke xkitaʼ wi tobʼanik Pablo, Bernabé y nikʼaj chi cristianos chiʼ xkʼulmataj wajun chʼoj riʼ?
Chisikʼij Hechos 15:12-18 y 23-29, y chixtzijon chrij wariʼ:
¿Jas xkibʼan ri jupuq ajkʼamal bʼe re ri nabʼe siglo rech are ri Dios xkʼamow kibʼe che usukʼumaxik ri kʼax? (Chiwilaʼ ri versículos 12, 15 y 28).
Chisikʼij Hechos 15:30, 31 y 16:4, 5, y chixtzijon chrij wariʼ:
¿Jas xkibʼan ri cristianos are chiʼ xyaʼ ri pixabʼ chke rumal ri jupuq ajkʼamal bʼe?
¿Jasche qetaʼm che ri Jehová xutewchij ri kinimanik?
Chisikʼij 2 Timoteo 3:16 y Santiago 1:5, y chixtzijon chrij wariʼ:
Are chiʼ ri Jupuq Ajkʼamal bʼe cho ronojel uwach Ulew kkichaʼ ubʼanik jun jastaq, ¿jas rajawaxik kkibʼano rech kkʼam kibʼe rumal ri Dios?
RI KKICHOMAJ JUJUN WINAQ: «Xa e winaq riʼ keqanimaj we kojniman che ri Jupuq Ajkʼamal bʼe cho ronojel uwach Ulew».
¿Jasche kakojo che are ri Jesús kʼamowinaq ubʼe ri Jupuq Ajkʼamal bʼe cho ronojel uwach Ulew?
RI XQETAʼMAJ
Ri Jupuq Ajkʼamal bʼe cho ronojel uwach Ulew are ri «jikalaj pataninel, utz uchomanik» che xchaʼ rumal ri Cristo. Ri jikalaj pataninel kuya pixabʼ y ri kajwataj chke konojel ri cristianos pa ri kikojonik.
¿La knaʼtaj chawe?
¿Jachin xchaʼow ri «jikalaj pataninel, utz uchomanik»?
¿Jas kubʼan ri Jupuq Ajkʼamal bʼe cho ronojel uwach Ulew che qachajixik?
¿La kakojo che ri Jupuq Ajkʼamal bʼe cho ronojel uwach Ulew are ri «jikalaj pataninel, utz uchomanik»?
CHAWILAʼ CHI NIKʼAJ
Chawilaʼ ri kubʼan ri Jupuq Ajkʼamal bʼe cho ronojel uwach Ulew rech kutzʼaqatisaj ri uchak.
Chawilaʼ ri kubʼan ri Jupuq Ajkʼamal bʼe cho ronojel uwach Ulew rech kuya ri kajwataj chqe pa ri qakojonik.
¿Jas kuchomaj ri Jupuq Ajkʼamal bʼe cho ronojel uwach Ulew chrij ri chak che xuya kan ri Jesús che?
¿Jas kqabʼan che rilik pa ri e riqbʼal ibʼ y ri nimaʼq taq riqbʼal ibʼ che are ri Jehová ri kkʼamow ubʼe ri Jupuq Ajkʼamal bʼe cho ronojel uwach Ulew?