PREGUNTAS CHE KBʼAN CHRIJ RI BIBLIA

¿La kukuy qamak ri Dios?

Ri Biblia kukʼutu che qonojel oj ajmakibʼ. Xa rumal ri Adán, qonojel kojmakunik. Rumal laʼ, kqabʼan jastaq che utz taj y jujun taq mul kojbʼison rumal ri xqabʼano. Ri uKʼojol ri Dios, Jesucristo, xkamik rech xutoj ri qamak. Rumal ri ukamikal qonojel kkuy ri qamak. Wajun tojbʼal riʼ are jun sipanik rech ri Dios (chasikʼij Romanos 3:​23, 24).

E kʼo jujun winaq kibʼanom nimaʼq taq mak y kkichomaj we kkuy na kimak rumal ri Dios. Ri Biblia kuya jun kubʼsal kʼuʼx, kubʼij: «Ri ukikʼel ri uKʼojol, ri areʼ ri Jesucristo, keresaj na konojel ri qamak» (1 Juan 1:⁠7). Ri Jehová kraj kukuy ri qamak, we rukʼ ronojel qanimaʼ kqataʼ sachbʼal qamak che (chasikʼij Isaías 1:18).

¿Jas rajawaxik kqabʼano rech ri Dios kukuy qamak?

We kqaj che ri Jehová kukuy qamak rajawaxik kqetaʼmaj uwach: kqachʼobʼo jas ri ubʼantajik, ri upixabʼ xuqujeʼ ri utaqanik (Juan 17:⁠3). Ri Jehová kukuy kimak konojel ri winaq che kkiya kan ubʼanik ri makaj xuqujeʼ kkikoj kichuqʼabʼ rech kkikʼex ri kikʼaslemal (chasikʼij Hechos 3:19).

Qonojel kojkunik kqabʼan ri kraj ri Dios. Areʼ retaʼm che xa oj ajmakibʼ. Ri Jehová are jun utzalaj Dios y kutoqʼobʼisaj qawach. Uchʼobʼik wariʼ kojutoʼo rech kqetaʼmaj más chrij ri Jehová y kqabʼan ri kqaj chuwach (chasikʼij Salmo 103:​13, 14).