Ri Kkaj Kketaʼmaj Ri Qachalal

◼ We jun qachalal ixoq rachil bʼi jun qachalal achi chiʼ kbʼe che ukʼutik ri utzij ri Dios chuwach jun winaq chuchiʼ jun ja, ¿la rajawaxik kuchʼuq ri ujolom?

Are chiʼ jun qachalal ixoq retaʼm chik che kbʼe che ukʼutik chuwach jun winaq che tajin chi kretaʼmaj ri utzij ri Dios xuqujeʼ kbʼe jun qachalal achi rukʼ, rajawaxik kuchʼuq ri ujolom (1 Cor. 11:3-10). La Atalaya 15 rech julio 2002 pa ri uxaq 27, kubʼij: «Ri kyaʼowik are kukʼam ubʼe wajun tijonik riʼ, rumal laʼ kubʼan jun chike ri tijonik che kuya ri congregación. We jun qachalal ixoq rachil jun qachalal achi che ubʼanom chi ri uqasanjaʼ chiʼ kukʼut ri utzij ri Dios chuwach jun winaq, rajawaxik che kuchʼuq ri ujolom». Rajawaxik kbʼan wariʼ, pa neʼ ri kʼutunik kyaʼ pa ri ja, chuchiʼ ja o pa jun chik lugar.

Are kʼu we ri winaq kʼateʼ tajin kumajij retaʼmaxik chirij ri Utzij ri Dios, ¿la rajawaxik che ri qachalal ixoq kuchʼuq ri ujolom? Rajawaxik taj, xuqujeʼ we ri qachalal ixoq xaq xiw kraj kukʼut ri kbʼan che utijoxik jun winaq chirij ri Utzij ri Dios o kukoj jun chike ri wuj che kkoj che kitijoxik ri winaq. Kʼi taq mul ri tijonik che kyaʼ chuchiʼ taq ja kmajix rukʼ usolixik kʼi mul ri winaq, ri e publicadores rajawaxik kkikoj ri kichomanik rech krilo we rajawaxik xuqujeʼ jampaʼ ri qachalal ixoq kuchʼuq ri ujolom.