Chqabʼanaʼ sibʼalaj utz che ri qachak: chqamajij jun etaʼmanik chuchiʼ ri kachoch ri winaq rukʼ ri wuj Kbʼix utz jastaq rech ri Ajawaxel
¿Jasche rajawaxik? Rajawaxik kqetaʼmaj ukʼutik ri jastaq rech kojkunik keqatoʼ ri winaq rech keʼux ajtijoxelabʼ (Mat. 28:19, 20). Qonojel kojkunik kojux utz ajtijabʼ we qas kqakoj ri e chakubʼal che e yaʼom chqe. Ri wuj che sibʼalaj kojutoʼ che wajun chak riʼ are ri wuj Kbʼix utz jastaq rech ri Ajawaxel. Rumal laʼ, kojkunik kqakoj che umajixik jun etaʼmanik kukʼ ri winaq chuchiʼ ri kachoch chiʼ kojchʼaw nabʼe mul kukʼ.
Chabʼanaʼ waʼ pa jun ikʼ:
Chabʼanaʼ achʼawem rech kawaj kamaj uyaʼik jun etaʼmanik. Chataʼ che ri Jehová che katutoʼ che umajixik jun etaʼmanik chrij ri Biblia, xuqujeʼ rech katux jun utzalaj ajtij rech ri qastzij (Filip. 2:13).
Pa ri qʼijilanik pa ri familia o chiʼ tajin kawetaʼmaj chrij ri Biblia chiʼ at kʼo atukel, chatijoj awibʼ che ri kabʼij rech kamajij jun etaʼmanik. Rech qas katkunik kabʼij xuqujeʼ kʼax ta kabʼan che umajixik jun etaʼmanik rech ri Biblia rukʼ jun winaq chuchiʼ ri rachoch.