Chqabʼanaʼ sibʼalaj utz che ri qachak: chakʼutuʼ ri kbʼan che utijoxik jun winaq chrij ri Biblia rukʼ ri wuj Su qas kukʼut

¿Jasche rajawaxik? Kʼi winaq kkichʼobʼ taj jas kqaj kqabʼij chiʼ kqabʼij keqatijoj chrij ri Biblia. Weneʼ kkichomaj che rajawaxik che kebʼe pa jun kʼolbʼal o kkitzʼibʼaj kibʼ pa jun Internet. Rumal laʼ, utz taj che xaq xiw kqabʼij chke, are utz che kqakʼut chkiwach ri ubʼanik jun etaʼmanik chrij ri Biblia. Chqakʼutuʼ chkiwach che kʼax ta retaʼmaxik chrij ri Biblia, are kʼu sibʼalaj rajawaxik. Xaq kebʼ oxibʼ minutos kukʼam bʼik rech kqatijoj qibʼ chrij ri Biblia xuqujeʼ kojkunik kqakʼut chuwach chuchiʼ ri ja.

Ri kqabʼano:

Chiʼ ayaʼom chi rutzil uwach ri winaq, chataʼ che we kok il chrij ri petinaq.
Chabʼij che, che kʼi winaq keʼok il che wajun jastaq riʼ. Tekʼuriʼ, chakʼutuʼ ri ubʼiʼ ri kʼutunem che kʼo pa ri ukabʼ uxaq ri wuj Su qas kukʼut. Chabʼij che ri winaq che pa wajun wuj kʼo kʼutunem che kʼax ta uchʼobʼik che kojutoʼ che retaʼmaxik ri kubʼij ri Biblia chrij ri petinaq xuqujeʼ chrij chi nikʼaj chik jastaq. Xuqujeʼ utz che kataʼ che jas kʼutunem utz krilo.
Chayaʼ jun wuj che ri winaq xuqujeʼ chawilaʼ ri kʼutunem che xuchaʼ. Chabʼij che, che pa ri kʼutunem kriqtaj ri kyaʼ ubʼixik chrij ri preguntas che kʼo nabʼe chuwach ri nabʼe párrafo.
Chabʼij che ri winaq che kusikʼij ri nabʼe párrafo we kraj. Chataʼ ri pregunta re ri párrafo che xuqujeʼ chawilaʼ rukʼ ri kraj kubʼij. Xuqujeʼ utz che kasikʼij ri e textos che kuya ukʼutik chrij ri kʼutunem xuqujeʼ kabʼij ri kraj kubʼij. Chakʼutuʼ chuwach ri abʼanom at che ujuchʼik ri respuesta pa ri awuj.
Chiwilaʼ chi ri jun chi párrafo. Are kʼu che wajun mul riʼ chabʼij che ri winaq che kuya ubʼixik chrij ri pregunta rukʼ ri kuchomaj.
Chabʼij che ri winaq che utz ri xubʼano xuqujeʼ kabʼij che, che pa jun qʼij chik kikʼis rilik ri kʼutunem.
We kuya, utz kawil rukʼ ri winaq ri video ubʼiʼ ¿Jas ubʼanik ri tijonik chrij ri Utzij ri Dios?, che kʼo pa jw.org.

Chabʼanaʼ waʼ pa jun ikʼ:

Chataʼ pa chʼawem che ri Jehová che katutoʼ rech kamajij ukʼutik ri Biblia chuwach jun winaq (Filip. 2:13).
Chiʼ kattobʼan che utzijoxik ri utzij ri Dios, chakojoʼ achuqʼabʼ pa neʼ xa jumul chakʼutuʼ ri kqabʼan che uyaʼik ri tijonik chrij ri Biblia rukʼ ri wuj Su qas kukʼut o kakʼut ri video ¿Jas ubʼanik ri tijonik chrij ri Utzij ri Dios?