Chqabʼanaʼ sibʼalaj utz che ri qachak: chqatzujuj ri wuj Su qas kukʼut

¿Jasche rajawaxik? Ri wuj Su qas kukʼut are jun chke ri chakubʼal che qas kqakoj pa ri qachak che ri Dios. Are kʼu we kqaj kqakoj che ukʼutik ri kubʼij ri Biblia, nabʼe rajawaxik kqatzujuj chke ri winaq. Rumal laʼ, utz che kqakoj qachuqʼabʼ rech utz kqabʼan che utzujuxik are chiʼ kqatzijoj ri utzij ri Dios (Prov. 22:29). Kʼo kʼi ubʼanik kbʼanik, rumal laʼ rajawaxik kqakoj ri más utz pa ri qaterritorio.

Ri kqabʼano:

Chabʼanaʼ jun pregunta rech ri winaq utz kril jun chke ri kʼutunem rech ri wuj. Weneʼ utz kachaʼ jun chke ri preguntas che kʼo pa ri majibʼal re ri kʼutunem. Are chiʼ ri winaq ubʼim chi ri kuchomaj, chasikʼij jun texto rech ri Biblia xuqujeʼ, pa kebʼ oxibʼ minutos, chawilaʼ rukʼ ri winaq jun párrafo che kchʼaw chrij ri kʼutunem che kraj kretaʼmaj.
Jun chik che utz kqabʼan che ukojik ri wuj are che kqakoj ri nabʼe taq uxaq, rech ri winaq utz krilo xuqujeʼ kqakʼut chuwach pa ri wuj ri kubʼij ri Biblia chrij ri e kʼutunem. Jun kʼutbʼal, are chi attzijonaq chi chrij jun kʼax che xbʼix pa ri e noticias, katkunik kabʼij che e kʼi winaq kkibʼan ri preguntas che kʼo pa ri uxaq 3. O weneʼ katkunik kabʼij che tajin keʼasolij ri e winaq rech kattzijon kukʼ chrij ri kubʼsal kʼuʼx chrij ri petinaq che kux na utz ri jastaq. Chakʼutuʼ ri wachbʼal re ri uxaq 4 xuqujeʼ 5, xuqujeʼ chataʼ che: «¿Jachin chke ri utzalaj taq jastaq riʼ kawaj kbʼantajik?». Xuqujeʼ katkunik kabʼij che tajin keʼasolij ri winaq rech katchʼaw chrij jujun preguntas che nim kibʼanik che qonojel kqabʼano. Chakʼutuʼ ri preguntas che kʼo pa ri kʼisbʼal re ri uxaq 6 xuqujeʼ chataʼ che rech kubʼij ri más utz krilo.
Chakojoʼ achuqʼabʼ rech kamajij jun etaʼmanik chrij ri Biblia pa ri nabʼe mul che katzijoj ri utzij ri Dios. Katkunik kabʼij: «Tajin kqatzujuj wajun wuj riʼ chke ri winaq che kkoj che retaʼmaxik ri kubʼij ri Biblia. ¿La awilom chi uwach? [Chata ri kubʼij ri winaq.] We kʼo jubʼiqʼ atiempo, kwaj kinkʼut chawach ri kabʼan che ukojik rech kawetaʼmaj chrij ri Biblia».

Chabʼanaʼ waʼ pa jun ikʼ:

Chatijoj awibʼ pa ri qʼijilanik pa ri familia.
Are chiʼ katzijoj ri utzij ri Dios kukʼ nikʼaj chik qachalal, chabʼij chke ri achomam chik kabʼij (Prov. 27:17). We kawilo che utz taj, chakʼexaʼ.