Chqakojoʼ ri wuj Utz jastaq che kitijoxik ri winaq
1. ¿Jas ubʼanik ri wuj Utz jastaq?
1 Junam rukʼ ri xqil pa ri kʼutunem re Ri Qachak che ri Dios rech julio, jun chke ri chakubʼal rech kqakʼut ri qastzij chke nikʼaj chik are ri wuj Kbʼix utz jastaq rech ri Ajawaxel. Pa ri wuj riʼ, ri textos e tzʼibʼam ta chupam, rech ri ajtijoxel kukoj ri Biblia are chiʼ kusikʼij uwach ri e textos. Kʼi chke ri wuj keʼutoʼ ri winaq rech kitukel kketaʼmaj, are kʼu wajun wuj riʼ xbʼanik rech ri ajtijoxel kretaʼmaj rukʼ utobʼanik jun ajtij. Rumal laʼ, are chiʼ kqatzujuj chke ri winaq, kqakoj qachuqʼabʼ rech kqakʼut chkiwach ri kbʼan che ri etaʼmanik chrij ri Biblia rech kkilo che kuya kikotemal retaʼmaxik ri utz taq jastaq (Mat. 13:44).
2. ¿Jas kqabʼan che ukojik ri wuj Utz jastaq are chiʼ nabʼe mul kqasolij ri winaq?
2 Are chiʼ nabʼe mul kojchʼaw rukʼ ri winaq. Katkunik kabʼij: «Rumal ri kqata pa ri noticias, e kʼi winaq kebʼison chrij ri kbʼantaj na pa ri petinaq. ¿La kachomaj at che ksukʼumataj na ri jastaq? [Chata ri kubʼij ri winaq.] ¿La awetaʼm che ri Biblia kukubʼsaj qakʼuʼx? Wajun folleto riʼ kchʼaw chrij jujun taq preguntas che ri Biblia kuya ubʼixik chrij». Chayaʼ jun wuj che ri winaq tekʼuriʼ chabʼij che, che kuchaʼ jun chke ri preguntas che kʼo pa ri kʼisbʼal uxaq. Chakʼutuʼ chuwach ri kbʼan che jun etaʼmanik chrij ri Biblia, kakoj ri nabʼe párrafo rech ri kʼutunem che kchʼaw chrij ri pregunta. Jun chik che katkunik kabʼano are katoʼ ri winaq rech kril ri kubʼij ri wuj che utoʼik rech kuriq ri kubʼij ri Biblia chrij jun pregunta che at achaʼom chik. We pa jw.org kʼo jun video che xaq junam kubʼij rukʼ ri kʼutunem, kuya kakojo chiʼ katchʼaw kukʼ ri winaq.
3. Chabʼij ri kbʼan che ukojik ri wuj Utz jastaq che uyaʼik jun etaʼmanik.
3 Ri kbʼan che ukojik pa jun etaʼmanik. 1) Chasikʼij uwach ri pregunta che tzʼibʼam rukʼ e tzij che más qʼeq rech ri winaq kchoman chrij. 2) Tekʼuriʼ, chasikʼij uwach ri párrafo. 3) Chasikʼij uwach ri textos che e qʼoyobʼam xuqujeʼ, rech katoʼ ri winaq rech kuya ubʼixik rukʼ ri Biblia ri kraj kubʼij ri tzij che tzʼibʼam rukʼ e tzij che más qʼeq, chabʼanaʼ nikʼaj chik preguntas che qas achomam. 4) We xa ta jun párrafo kʼo chuxeʼ ri pregunta, kabʼan ri kbʼix pa ri 2 xuqujeʼ 3. We kʼo jun video che kuya ubʼixik chrij ri pregunta, xuqujeʼ majaʼ kakʼut chuwach, chakojoʼ chiʼ kaya ri tijonik. 5) Pa ukʼisbʼal, chabʼij che ri winaq rech kuya ubʼixik chrij ri pregunta, rech kawilo we xuchʼobʼ ri kʼutunem.
4. ¿Jas kojtowik rech qas kojkun che ukojik ri wuj riʼ?
4 Qas chawetaʼmaj ri ubʼantajik wajun jeʼlalaj chakubʼal riʼ xuqujeʼ chakojoʼ are chiʼ katkunik. Are chiʼ majaʼ kamajij jun etaʼmanik, chatchoman chrij ri winaq xuqujeʼ chatchoman chrij ri versículos che kʼo pa ri kʼutunem rech ri winaq qas kchoman chrij ri kretaʼmaj (Prov. 15:28; Hech. 17:2, 3). Are chiʼ más kakoj wajun wuj riʼ más kawaj kakoj che utzijoxik ri qastzij.