E kʼutunem che kojutoʼ rech kujux utz taq pataninelabʼ
1. ¿Jas kebʼ tobʼanik kuya ri kʼutunem «Conversaciones con un testigo de Jehová»?
1 Jujun mul, pa ri wuj La Atalaya che bʼanom chike konojel ri winaq kʼo jun kʼutunem che ubʼiʼ: «Conversaciones con un testigo de Jehová», kuya kebʼ tobʼanik: kubʼan chike ri winaq che kkaj kketaʼmaj más chirij ri Utzij ri Dios xuqujeʼ kojutoʼ rech utz kqabʼan che ubʼixik jujun taq kʼutunem chike ri winaq (1 Ped. 3:15). Chqilaʼ ri kqabʼan che ukojik ri e kʼutunem riʼ.
2. ¿Jas jun ukojik ri e kʼutunem kojkunik kqakoj chiʼ kqatzijoj ri utzij ri Dios?
2 Ktobʼan pa ri qachak. Utz che kqakʼol jujun chike La Atalaya che kʼo wajun kʼutunem riʼ chupam. We kʼo jun winaq pa ri territorio, jun che kraj kretaʼmaj más o jun che tajin kretaʼmaj chirij ri Utzij ri Dios kubʼan jun pregunta chaqe o kubʼij jun jastaq che kuqʼatej uwach ri tzijonem rukʼ jun pregunta che elinaq chi pa ri e kʼutunem, utz che kqaya ri wuj che xuqujeʼ we kraj utz kqil rukʼ ri kubʼij chupam. We kʼo ta ri wuj qukʼ utz che kqatzukuj pa jw.org.
3. ¿Jas bʼanom che ukojik ri e kʼutunem riʼ che uyaʼom utz tobʼanik?
3 ¿Jas kqabʼan che ukojik ri e kʼutunem riʼ? Kʼo jujun qachalal kkisikʼij uwach ri utzij ri Testigo xuqujeʼ kkibʼij che ri winaq che kusikʼij uwach ri utzij ri jun chi winaq che tzʼibʼatal pa La Atalaya. Ilom che utz kel ubʼixik ri qakojonik we je kqabʼan wariʼ, rech ri winaq qas ta kuxibʼij ribʼ (Deut. 32:2).
4. ¿Jas kojkunik kqetaʼmaj che wajun kʼutunem?
4 Utz che etaʼmanik xuqujeʼ kʼutunik. Are chiʼ kqasikʼij uwach ri kʼutunem, chqilaʼ ri textos, ri kʼutbʼal xuqujeʼ ri utzij ri qachalal che tzʼibʼatal pa ri wuj, xuqujeʼ ri kubʼan che ubʼixik. Tekʼuriʼ chqakojoʼ qachuqʼabʼ che ukojik ri kʼutbʼal pa ri qachak che ri Dios (Prov. 1:5; 9:9). «Usikʼixik ri e kʼutunem riʼ —xubʼij jun qachalal ixoq— je taneʼ che tajin kawil jun utzalaj precursor, ri qas retaʼm ri kubʼij.»
5. ¿Jas utz kqabʼano rech keqatoʼ ri winaq che tajin kketaʼmaj chirij ri Biblia rech kekunik kkitzijoj ri utzij ri Dios qukʼ?
5 Ri e kʼutunem riʼ xuqujeʼ utz kqakoj kukʼ ri winaq che tajin kketaʼmaj chirij ri Biblia rech kekunik kkitzijoj ri utzij ri Dios qukʼ. Kojkunik kqasikʼij uwach kukʼ, kqabʼij chike che kkibʼij ri utzij ri publicador. Rukʼ ri kʼutbʼal riʼ kekunik kkiya ubʼixik ri kikojonik rukʼ utz taq tzij xuqujeʼ nim kekil wi ri winaq (Col. 4:6). Qastzij wi, che ri e kʼutunem riʼ are jun chike ri kʼi tobʼanik che kuya ri Jehová chaqe rech utz ubʼanik ri qachak kqabʼano (2 Tim. 4:5).