¿Jas kqabʼan che ubʼixik ri qakojonik chrij ri 1914?

Ri Utzij ri Dios kubʼij chqe che qas utz kqetaʼmaj ri kqabʼan che ubʼixik chrij ri qakojonik «rukʼ utzilal xuqujeʼ nim keqil wi ri winaq» (1 Ped. 3:15, TNM). Ri qastzij are che kʼax ubʼixik chrij ri etaʼmanik che kʼo pa ri Biblia che kʼax uchʼobʼik, jun kʼutbʼal, ubʼixik che ri Ajawbʼal xumaj chak pa ri junabʼ 1914. Rech kojkunik kqaya ubʼixik chrij, kʼo kebʼ kʼutunem che kojutoʼ ubʼiʼ: «Conversaciones con un testigo de Jehová: ¿Jampaʼ xumaj chak ri Rajawbʼal ri Dios?». Ri e kʼutunem riʼ e kʼo pa ri wuj La Atalaya che kyaʼ cho taq ja pa ri ikʼ octubre xuqujeʼ noviembre. Chiʼ kasikʼij uwach, chatchoman chrij ri preguntas che Julio, ri publicador, xubʼano chiʼ xtzijon rukʼ ri winaq.

¿Jas. . .

• ... xubʼano rech xchʼaw chrij jun jastaq che e kebʼ ketaʼm xuqujeʼ xubʼij che ri winaq che utz ri xubʼij? (Hech. 17:22.)

• ... xubʼano rech rukʼ ta nimal xuya ubʼixik ri ukojonik? (Hech. 14:15.)

¿Jasche are utz che. . .

• ... chiʼ majaʼ kqʼax pa jun chik kʼutunem, xril chi jumul ri kilom chik?

• ... jujun taq mul xubʼan preguntas rech xrilo we ri Ernesto kuchʼobʼ ri tajin kubʼij che?

• ... kʼi ta párrafos rech ri kʼutunem xrilo chiʼ xopan rukʼ ri winaq? (Juan 16:12.)

Sibʼalaj kqamaltyoxij che ri Jehová, ri nimalaj qajtij, che kojutoʼ che ubʼixik ri jastaq che kʼax uchʼobʼik che kʼo pa ri Biblia chke ri winaq che kkaj kketaʼmaj (Is. 30:20).