Kʼutbʼal rech ukojik ri e wuj

Umajixik jun etaʼmanik pa ri nabʼe sábado re febrero

«Jujun chke ri winaq che oj tzijonaq wi kkichomaj che ri Biblia are ri utzij ri Dios; are kʼu nikʼaj chik kkichomaj che xaq junam rukʼ jun chik wuj. ¿Jas kachomaj at?» Chiʼ ri winaq ubʼim chi ri kuchomaj, chakʼutuʼ ri kʼisbʼal uxaq La Atalaya 1 rech febrero chuwach xuqujeʼ chawilaʼ rukʼ ri winaq ronojel ri tzʼibʼatal chuxeʼ ri nabʼe pregunta xuqujeʼ pa neʼ xa jun texto chasikʼij uwach. Chataʼ che we kraj kusikʼij uwach ri e wuj, xuqujeʼ chabʼij che, che kattzalij chi jumul rech kiwil ri jun chi pregunta.

La Atalaya 1 rech febrero

«Konojel ri winaq kkaj che kkʼis ri chʼoj, ¿la mat je kabʼij at? ¿La kachomaj at che kbʼantaj waʼ? [Chata ri kubʼij ri winaq.] Chawilaʼ ri kuya ubʼixik ri Dios pa ri Utzij [chasikʼij uwach Salmo 46:9]. Weneʼ kakoj taj, kʼi chke ri xbʼantaj pa ri Nabʼe Nimalaj Chʼoj xuqujeʼ chiʼ qʼaxinaq chik kojutoʼ rech kqakojo che kbʼan na ri kubʼij wajun texto riʼ. Wajun revista riʼ kuya ubʼixik.»

¡Despertad! Febrero

«Kimik katqasolij rech kojtzijon jubʼiqʼ awukʼ chrij jun kʼax che konojel ri winaq kkilo. Kʼi winaq kkibʼij che kubʼana ta chi ri tiempo. ¿Jas kachomaj at, la xa rumal che kʼo kʼi jastaq che rajawaxik kbʼanik o rumal che utz ta ukojik ri tiempo kbʼanik? [Chata ri kubʼij ri winaq.] E kʼi ketaʼm taj che ri Utzij ri Dios kuya utz pixabʼ rech kubʼana ri tiempo. Wariʼ are jun chke [chasikʼij uwach Filipenses 1:10a]. Pa wajun revista riʼ kqariq kajibʼ utz taq pixabʼ che ktobʼanik rech kubʼanaʼ ri tiempo chqe.»