Chojkikot pa ri tiempo rech ri Unaʼtabʼalil ri ukamikal ri Jesús
1. ¿Jas rajawaxik kabʼano rech katkikot más pa ri tiempo rech ri Unaʼtabʼalil ri ukamikal ri Jesús?
1 ¿La kawaj katkikot más pa ri ikʼ marzo, abril xuqujeʼ mayo? Rech katkunik kariq wajun kikotemal riʼ rajawaxik kanimarisaj ri achak che utzijoxik ri utzij ri Dios xuqujeʼ, we katkunik, chabʼanaʼ ri precursorado auxiliar. ¿Jasche kuya kikotemal chawe?
2. ¿Jasche knimar ri qakikotemal chiʼ kqanimarisaj ri qachak?
2 Chanimarisaj ri akikotemal. Jehová xojubʼano che kuya kikotemal chqe chiʼ kqaya uqʼij xuqujeʼ chiʼ kqabʼan ri jastaq rech ri qakojonik xuqujeʼ kuya utzilal pa qanimaʼ (Mat. 5:3). Xuqujeʼ xojubʼano rech kojkikotik chiʼ kqaya utz taq jastaq chke nikʼaj chik (Hech. 20:35). Chiʼ kqatzijoj ri utzij ri Dios kqabʼan waʼ kebʼ jastaq riʼ: uyaʼik uqʼij ri Dios xuqujeʼ kitoʼik kʼi winaq. Rumal laʼ, we kqanimarisaj ri qachak kuya nim kikotemal chqe. Xuqujeʼ we amaqʼel kqabʼan wajun chak riʼ más kojkun riʼ che ubʼanik xuqujeʼ kubʼan chqe che kqaxeʼj ta chi más qibʼ chiʼ kojtzijon kukʼ ri winaq. Wariʼ kubʼan chqe che kqariq más winaq che kojkunik kojtzijon kukʼ xuqujeʼ kojkunik kqamajij ukʼutik ri utzij ri Dios chkiwach. Are wariʼ kuya nim kikotemal pa ri qachak.
3. ¿Jasche sibʼalaj utz ri ikʼ marzo xuqujeʼ abril rech kqabʼan ri precursorado auxiliar?
3 Pa marzo xuqujeʼ pa abril are jun tiempo che sibʼalaj utz rech kqabʼan ri precursorado auxiliar rumal che kuya kqabʼan 30 o 50 horas. Xuqujeʼ pa wa taq ikʼ riʼ kjach ri wuj rech kbʼix chike ri winaq che kepe pa ri Unaʼtabʼalil ri ukamikal ri Jesús. Kmajix ujachik pa ri sábado 22 rech marzo kopan ujachik pa lunes 14 rech abril, chiʼ knaʼtax ri ukamikal ri Jesús. Sibʼalaj kʼo chak riʼ pa ri congregaciones, ri publicadores «konojel xaʼ junam kiwach» kkibʼan ri kichak rech kekunik kkijach ri wuj pa kʼi territorio pa ri qʼij che yaʼom che (Sof. 3:9).
4. ¿Jas rajawaxik kabʼano we kawaj kabʼan ri precursorado auxiliar?
4 Chamajij rilik. We majaʼ na kabʼano, chawilaʼ ri rajawaxik kabʼano xuqujeʼ ri rajawaxik kakʼex pa ri akʼaslemal rech kanimarisaj ri achak pa jun ikʼ o más. Chabʼanaʼ achʼawem che ri Jehová (Sant. 1:5). Chattzijon kukʼ ri afamilia xuqujeʼ kukʼ ri e qachalal pa ri congregación (Prov. 15:22). Weneʼ katkunik kabʼano, pa neʼ at yawabʼ o kʼo achak ronojel qʼij, katkunik kariq kikotemal che ubʼanik ri precursorado auxiliar.
5. ¿Jas kqariqo we kqanimarisaj ri qachak pa ri tiempo rech ri Unaʼtabʼalil ri ukamikal ri Jesús?
5 Jehová kraj che kekikot ri e rajpatanel (Sal. 32:11). We kqakoj qachuqʼabʼ che unimarisaxik ri qachak pa ri tiempo rech ri Unaʼtabʼalil ri ukamikal ri Jesús, xaq xiw ta oj kojkikotik xuqujeʼ ri Qatat che kʼo pa ri kaj (Prov. 23:24; 27:11).