Pa taq ri qʼij rech ri Unaʼtabʼalil ri ukamikal ri Jesús, ¿jas kqabʼan che ubʼanik qe junam che kubʼan ri Jehová xuqujeʼ ri Jesús?

1. ¿Jas kkibʼan rukʼ nimalaj chuqʼabʼ ri testigos rech Jehová pa taq ri ikʼ che knaʼtax ri ukamikal ri Jesús?

¹ Jehová kubʼan ri urayibʼal rukʼ nimalaj uloqʼoqʼebʼal ukʼuʼx. Chiʼ tajin kchʼaw chrij ri tewchibʼal kuya lo ri Rajawbʼal ri Dios, Isaías 9:7 kubʼij: «[Are] waʼ kubʼan na ri nikowelalaj uloqʼoqʼebʼal kʼuʼx ri Ajawaxel ri kʼo ronojel ukuʼinem». Ri Ukʼojol ri Dios, Jesús, xukʼutu che nim xril wi ri qastzij qʼijilanik (Juan 2:13-17; 4:34). Pa taq ri ikʼ che knaʼtax ri ukamikal ri Jesús, sibʼalaj e kʼi Testigos pa ronojel ri uwach Ulew sibʼalaj kkikoj kichuqʼabʼ che ubʼanik ke junam rukʼ ri kubʼan ri Jehová xuqujeʼ ri Jesús chiʼ kkibʼan más nim che ri kichak che ri Dios. ¿La kabʼan at pa wajun junabʼ riʼ?

2. ¿Jas kqamaj ubʼanik pa ri qʼij 7 rech marzo xuqujeʼ we kqabʼan rukʼ kikotemal jas tewchibʼal kqariqo?

² Ri chak kbʼan pa ri Unaʼtabʼalil ri ukamikal ri Jesús. Ri ujachik ri wuj che kchʼaw chrij ri Unaʼtabʼalil ri ukamikal ri Jesús, pa wajun junabʼ riʼ kumaj pa ri qʼij sábado 7 rech marzo. Pa taq ri qʼij riʼ chawilaʼ ri kabʼano rech kakoj achuqʼabʼ che ubʼanik ri chak. Ri e congregaciones rukʼ nim kikotemal kkikoj kichuqʼabʼ che ujachik ri wuj pa ronojel ri teritorio che kuya kbʼanik. Chakojoʼ achuqʼabʼ che kabʼij chke ri e winaq che keʼatijoj chrij ri Biblia, ri winaq che keʼasolij, awachiʼl pa ri chak, ri afamiliares xuqujeʼ ri awachiʼl pa ri tijobʼal xuqujeʼ chaya jun kiwuj o chakʼutuʼ ri jw.org chkiwach.

3. ¿Jas kqabʼan che unimarisaxik ri qachak pa ri ikʼ marzo xuqujeʼ abril?

³ Ri precursorado auxiliar. Ri loqʼoqʼenik kqanaʼo kubʼano che kqakoj qachuqʼabʼ che unimarisaxik ri qachak. Qastzij wi, kʼi chqe kqabʼan ri precursorado auxiliar pa taq ri ikʼ marzo xuqujeʼ abril, xuqujeʼ kojkunik kqabʼan 30 horas. Pa ri jun chi qʼijilanik pa ri familia o chiʼ katijoj awibʼ pa atukel chabʼanaʼ achʼawem rech kawilo we qas katkunik kabʼano (Prov. 15:22). We sibʼalaj katkikotik kubʼan chke nikʼaj chik kkikoj kichuqʼabʼ che ubʼanik wajun chak riʼ. We at kasukʼumaj jujun jastaq pa ri akʼaslemal rech kabʼan más nim che ri achak, at tajin kabʼan awe ri xubʼan ri Jesús che xubʼan nim che ri uchak (Mar. 6:31-34).

4. ¿Jas tewchibʼal kqariqo we kqabʼan qe ri kubʼan ri Jehová xuqujeʼ ri Jesús?

⁴ We kqakoj qachuqʼabʼ junam rukʼ ri kubʼan ri Jehová xuqujeʼ ri Jesús, pa taq ri ikʼ rech unaʼtabʼalil ukamikal ri Jesús, kubʼano che kqariq kʼi tewchibʼal. Nabʼe, pa ri territorio sibʼalaj e kʼi winaq kketaʼmaj chrij ri utzalaj taq tzij. Xuqujeʼ, kqanaʼ ri kikotemal kuya upatanixik ri Jehová xuqujeʼ kitoʼik nikʼaj chik (Hech. 20:35). Ri sibʼalaj nim ubʼanik, are che kojqaj chuwach ri Jehová xuqujeʼ chuwach ri Ukʼojol.