Jun sikʼinik che nim ubʼantajik
1. ¿Jampaʼ kmajix ujachik ri sikʼinik rech ri nim riqbʼal ibʼ 2014?
1 We kqabʼan jun wa che nim ubʼanik chke ri qachiʼl o qafamiliar che rajawaxik kqakoj qachuqʼabʼ che ubʼanik o kqasach nim pwaq chrij, qas kqabʼan riʼ rukʼ kikotemal. Xa junam rukʼ, usukʼumaxik ri utz taq pixabʼ rech ri qachilanik rukʼ ri Dios che kyaʼ pa ri nim riqbʼal ibʼ rech ri junabʼ 2014 kojom nim chuqʼabʼ che. Chiʼ xa oxibʼ chi semana kraj ri nim qariqbʼal ibʼ, kojkunik kqabʼij chke nikʼaj chik winaq che kepe pa ri nim riqbʼal ibʼ. ¿Jas kojtoʼwik rech kqabʼan wajun chak riʼ rukʼ kikotemal?
2. ¿Jas kubʼan chqe che kqakoj qachuqʼabʼ che ujachik wajun wuj riʼ?
2 Qas kqaj riʼ kojtobʼan che ubʼixik chke ri winaq che kepe pa ri nim riqbʼal ibʼ we kojchomam chrij ri ubʼanom pa ri qakʼaslemal ri pixabʼ che kuya ri Jehová chqe pa wajun riqbʼal ibʼ riʼ (Is. 65:13, 14). Xuqujeʼ kojkunik kojchoman chrij ri utz kkʼulmataj pa taq ri junabʼ chiʼ kjach wajun wuj riʼ. E kʼo jujun chke ri winaq kepe pa ri nim riqbʼal ib. Pa neʼ e kʼi ta ri kepetik, ri qachuqʼabʼ che kqakoj che ubʼixik chke ri winaq kuya uqʼij ri Jehová xuqujeʼ are jun kʼutbʼal re ri usipanik chke ri winaq (Sal. 145:3, 7; Apoc. 22:17).
3. ¿Jas kbʼan che ujachik ri wuj rech sikʼinik?
3 Are ri e ajkʼamal bʼe rech ri congregaciones kechow ri kbʼan che ujachik ri wuj rech kbʼix chke ri winaq che kepe pa ri nim riqbʼal ibʼ, weneʼ utz kyaʼ kan chuchiʼ taq ri ja che keqariq ta wi winaq o chke ri keqariq pa taq bʼe. Pa ri e sábados o domingos utz kyaʼ kan ri revistas rukʼ ri wuj rech sikʼinik we kuya. We ri nabʼe sábado rech ri ikʼ kqʼax pa ri qʼij che tajin kjach wajun wuj riʼ, are utz che are kjach ri wuj che kbʼix chke ri winaq che kepe pa ri riqbʼal ibʼ are ta kmajix ri kitijoxik ri winaq chrij ri Biblia. Are taq kkʼis wajun chak riʼ, sibʼalaj kojkikot riʼ che xojtobʼan che ubʼanik xuqujeʼ che xqabʼij chke kʼi winaq che kepe qukʼ che utaʼik ri upixabʼ ri Jehová.