Jun sikʼinik

1. ¿Jampaʼ kmajtaj ujachik ri wuj rech kqabʼij chke ri winaq che kepe pa ri nim riqbʼal ibʼ?

¹ We kqabʼan jun utzalaj rikil chke ri qachiʼl o qafamiliar che rajawaxik kqakoj tiempo che xuqujeʼ pwaq, rukʼ kikotemal riʼ kqabʼij chke che kepe qukʼ. Xaq junam waʼ, kojom nim tiempo xuqujeʼ chuqʼabʼ che ubʼanik ri pixabʼ che kukowirisaj ri qakojonik pa ri jun chik nim riqbʼal ibʼ rech oxibʼ qʼij. Chiʼ kraj na oxibʼ semanas che ri qariqbʼal ibʼ, ri Jehová kukʼutu che nim kojril wi chiʼ kuya chqe che kqabʼij chke nikʼaj chik winaq che kepe qukʼ. ¿Jas kojutoʼ rech kqabʼij chke ri winaq rukʼ kikotemal?

2. ¿Jasche kqakoj qachuqʼabʼ che ubʼixik chke ri winaq rech kepe qukʼ?

² We kojchoman chrij ri utzilal kuya pa qakʼaslemal ri pixabʼ kuya ri Jehová chqe pa ri nim riqbʼal ibʼ kubʼan riʼ che kqabʼij chke ri winaq rukʼ kikotemal che kepe qukʼ (Is. 65:13, 14). Xuqujeʼ utz kqachomaj che we kqaya ri wuj chke ri winaq kʼo jujun mul ri winaq kepe pa ri nim riqbʼal ibʼ (chawilaʼ pa recuadro «Kʼo jujun keʼopanik»). E kʼo jujun chke ri winaq che kqabʼij chke, keʼopanik are kʼu e kʼo jujun keʼopan taj. Pa neʼ e kʼi keʼopanik o xa e jujun, ri qachak che kqabʼan che ubʼixik chke kuya uqʼij ri Jehová xuqujeʼ kukʼutu che ri Qatat sibʼalaj kol il chqe (Sal. 145:3, 7; Apoc. 22:17).

3. ¿Jas kbʼan che ujachik ri wuj rech sikʼinik?

³ Are ri ajkʼamal taq bʼe keʼilowik ri kbʼan che ujachik ri wuj che kqakoj che ubʼixik chke ri winaq che kepe qukʼ, we kyaʼ kan pa taq ri ja che kʼot wi winaq o kyaʼ pa taq bʼe pa ri territorio che kril ri congregación. Pa taq sábados o domingos kyaʼ ri revistas rukʼ ri wuj rech sikʼinik we kuya kyaʼik. Chiʼ kkʼis ujachik ri wuj, sibʼalaj kojkikot riʼ rumal che kqachʼobʼoʼ che xojtobʼan rukʼ kikotemal che ujachik xuqujeʼ rumal che xqabʼij chke kʼi winaq che kepe qukʼ che utatabʼexik ri utz taq pixabʼ che kuya ri Jehová chqe.

Kʼo jujun keʼopanik

Ojer chik, jun qachalal ixoq che ktobʼan che ujachik ri wuj rech ri nim riqbʼal ibʼ kuchomaj che weneʼ rajawaxik taj. Kuchomaj wariʼ: «¿La kebʼe ri winaq pa ri riqbʼal ibʼ rumal che kyaʼ jun wuj chke?». Pa ri sábado aqʼabʼil, pa jun nim riqbʼal ibʼ, xril jun winaq rech ri kojonik ubʼiʼ sij. Rumal che ri qachalal kʼo chuxukut, xuchʼabʼej. Ri achi xbʼe pa ri riqbʼal ibʼ rumal che xyaʼ kan jun wuj che. Ri achi xubʼan kʼi preguntas che ri qachalal ri areʼ xuya ubʼixik rukʼ rutzil ranimaʼ che. Ri achi xubʼij che ri qachalal ixoq che utz kril ri nim riqbʼal ibʼ xuqujeʼ che utz xril ri katzʼyaq xuqujeʼ ri kkibʼan ri winaq che e kʼo pa ri riqbʼal ibʼ. Pa wajun qʼij riʼ, xuqujeʼ ri qachalal xtzijon rukʼ jun kʼulaj che kʼo che unaqaj. Ri e areʼ xuqujeʼ xebʼe pa ri riqbʼal ibʼ rumal che xyaʼ jun wuj chke rech sikʼinik xuqujeʼ pa camioneta xebʼe wi. Sibʼalaj utz xkil ri riqbʼal ibʼ che kkichomaj che keʼopan domingo. Rukʼ waʼ ri qachalal, xrilo che nim ubʼanik che kqajach ri wuj rech sikʼinik.
Kʼateʼ majaʼ naj, jun kʼulaj precursores regulares xkichʼabʼej jun kʼulaj che nim chi kijunabʼ che kiwach e areʼ pa jun nim riqbʼal ibʼ re oxibʼ qʼij. Ri kʼulaj xkibʼij chke che kʼateʼ nabʼe mul xeʼopan pa jun riqbʼal ibʼ. Ri qachalal xkitaʼ chke: «¿Jachin xbʼin chiwe che xixpetik?», ri e areʼ xkibʼij: «Pa jun qʼij, chiʼ xojopan pa qachoch, xqilo che yaʼom kan jun wuj re sikʼinik chuxeʼ ri uchiʼ ri qachoch». Xqasikʼij uwach xuqujeʼ xqanojisaj ri cupón che kʼo chrij ri wuj. Pa ri riqbʼal ibʼ jujun qachalal xkiya ke ri kiwa. Ri jun kʼulaj sibʼalaj utz xkil ri riqbʼal ibʼ rumal laʼ xkichomaj che keʼopan pa ri jun chik qʼij. Ri qachalal xkimajij kisolixik rech kketaʼmaj más.