Jun kʼakʼ video rech kqachaplej kitijoxik ri winaq

E kʼi chi winaq kilom chi jun alaj video ubʼiʼ ¿Jasche kqetaʼmaj chrij ri Biblia? pa jw.org. Bʼanom rech ri winaq kkikʼam jun tijonik chrij ri Biblia che tojom taj. Katkunik kawilo chiʼ kachaʼ ri tzij che kubʼij «Chataʼ jun etaʼmanik chirij ri Loqʼalaj Pixabʼ», chuxeʼ ri nabʼe página, o chiʼ kakoj ri código QR (rech chanim kariqo) che kʼo pa ri kʼisbʼal uxaq ri alaj taq kʼakʼ wuj. Waral kqaetaʼmaj jujun taq jastaq rech kojkunik kqakoj ri video:

• Are taq chiʼ keqasolij chi jumul jun winaq, kuya kqabʼij waʼ: «¿La kawaj kinkʼut jun alaj video chawach che kukʼut chawach chrij kʼi preguntas chrij ri Biblia?». We ri winaq kraj, kuya kqakʼut ri video chuwach pa qacelular o pa ucomputadora.

• We kqaya kan jun alaj kʼakʼ wuj chuchiʼ jun ja o pa ri bʼe, utz che kqakʼut chuwach ri winaq ri kbʼan che ukojik ri código QR pa ri ucelular. O kqakʼut chuwach ri kbʼan che ukojik pa ri qacelular oj, rumal che ri código aninaq kukʼut ri video che kʼo pa Internet pa kʼi chʼabʼal.

• Jun chi ukojik ri video are chiʼ kqatzijoj chke ri qachiʼl pa qachak o pa tijobʼal, chke ri qafamilia xuqujeʼ chke nikʼaj chik winaq che kqachʼobʼ kiwach, utz che kqakʼut chkiwach ri kbʼan che ukojik. Xuqujeʼ utz che kqataq bʼi pa correo ri udirección ri video, xuqujeʼ kqabʼij chke che kkilo we kkaj.

We qas utz ukojik ri alaj video kqabʼano kojkun riʼ kqatoʼ e kʼi winaq rech kketaʼmaj chrij ri Biblia, rukʼ waʼ keqatoʼ ri «taqal chkij ri junalik kʼaslemal» (Hech. 13:48, Ri Tyoxlaj Wuj pa qachʼabʼal Kʼicheʼ Biblia en Quiché).