Chqakojoʼ ri jw.org chiʼ kqatzijoj ri utzij ri Dios

Ri qakʼolbʼal pa Internet are jun chakubʼal che sibʼalaj utz kqakojo rech kqajabʼuj ri utzalaj taq tzij «pa taq ri tinimit ri sibʼalaj naj e kʼo wi cho ronojel ri uwach ulew» (Hech. 1:8). Rumal che, e kʼi winaq ketaʼm taj: xaq xiw kketaʼmaj we jun publicador kubʼij chke o kukʼut chkiwach.

Jun ajsolinel rech circuito uyaʼom pa ri uteléfono ri video ¿Jasche kqetaʼmaj chrij ri Biblia? xuqujeʼ kukʼut chkiwach ri winaq chiʼ kkunik. Jun kʼutbʼal, chiʼ kutzijoj ri utzij ri Dios kubʼij: «Tajin kensolij ri winaq rech keʼintoʼ che uriqik ri kyaʼ ubʼixik chrij oxibʼ preguntas che nim kibʼanik: ¿Jasche kʼo itzel taq jastaq? ¿Jas kubʼan ri Dios che usukʼumaxik? xuqujeʼ ¿Jas kqabʼano chiʼ kqeyej ri qʼij che kusukʼumaj? Ri alaj video riʼ kuya ubʼixik chrij». Kutaʼ ta na chke ri winaq we kkaj kkilo, kukʼut chkiwach xuqujeʼ kraj kretaʼmaj ri kkibʼano chiʼ kkilo. Ri video sibʼalaj utz rumal laʼ kʼi winaq kkaj kkil ronojel. Tekʼuriʼ, ri qachalal kubʼij: «Junam rukʼ ri xato, katkunik kataʼ jun tijonik pa ri qakʼolbʼal pa Internet jw.org. Rumal che in kʼo waral, kinkunik kinkʼut chawach ri kbʼan che ubʼanik». We ri winaq kraj, ri qachalal kukʼut ri kbʼan che jun tijonik chrij ri Biblia rukʼ ri folleto Utz jastaq. Are kʼu we ri winaq kʼo ta utiempo, kubʼij che, che kukʼut chuwach chiʼ kusolij pa jumul chik. Chiʼ kuxlan jubʼiqʼ pa jun cafetería, kumajij tzijonem rukʼ ri winaq che kʼo chunaqaj xuqujeʼ kukoj tzij che kjunamataj rukʼ ri xqil kan nabʼe. ¿E kʼu ri oj? ¿La tajin kqakoj ri jw.org chiʼ kqatzijoj ri utzij ri Dios?