Chqakojoʼ ri jw.org pa ri qachak: «Preguntas sobre la Biblia»

Pa ri sección «Enseñanzas bíblicas», re jw.org, kʼo ri tzij «Preguntas sobre la Biblia». We qetaʼm ri e kʼutunem che kʼo chupam sibʼalaj ktobʼan riʼ pa ri qachak che ri Dios, rumal che we kʼo jun winaq kubʼan jun pregunta chqe che kʼo chupam ri tzij «Preguntas sobre la Biblia», kojkunik kqakʼut chuwach ri qakʼolbʼal pa Internet rech kril ri kbʼix chrij ri pregunta. Xuqujeʼ kojkunik kqakoj ri pregunta riʼ che umajixik ri tzijonem. Jun kʼutbʼal, kojkunik kqachaʼ jun chke ri kkaj kketaʼmaj ri winaq rech ri qaterritorio, kqataʼ chke ri kkichomaj chrij xuqujeʼ kqakoj ri tobʼanik kʼo pa ri jw.org rech kqakʼut chkiwach ri kubʼij ri Biblia chrij ri preguntas. Tekʼuriʼ kqabʼij chke che pa jw.org xqariq wi ri kqakʼut chkiwach xuqujeʼ kqakʼut chkiwach ri qakʼolbʼal pa Internet. Jun chi jastaq che kojkunik kqabʼano are che kqakʼut chkiwach rech e areʼ kkisikʼij uwach chrij ri preguntas pa ri qakʼolbʼal pa Internet. Ri rixoqil jun ajsolinel rech circuito utz elinaq ri uchak chi kubʼij: «Kʼi winaq kkichomaj che are ri Dios ajmak che kʼo kʼaxkʼolil. ¿La kawaj kawetaʼmaj we qastzij ri kkibʼij ri winaq? Kukʼam ta jun minuto retaʼmaxik». Tekʼuriʼ kukoj ri audio rech ri kʼutunem, che kʼo pa ucelular che resam pa jw.org, kʼisbʼal re kukʼut ri kʼutunem 11 rech ri wuj Su qas kukʼut.