Chikojoʼ ri qakʼolbʼal jw.org rech keʼitijoj ri iwalkʼwal
1. ¿Jas tobʼanik kuya ri sección «Niños» rech jw.org?
1 Ri qakʼolbʼal pa Internet, jw.org, bʼanom chike ri winaq che jalajoj kijunabʼ kekunik kkilo. Jun kʼutbʼal re, are ri sección «Niños» (che kʼo pa kaxlantzij, chawilaʼ pa Enseñanzas bíblicas > Niños) keʼutoʼ ri akʼalabʼ xuqujeʼ ri nan tat rech kubʼan junam ri kichomanik xuqujeʼ kubʼan utz ri kachilanik rukʼ ri Jehová (Deut. 6:6, 7). ¿Jas kibʼan ix nan tat rech kikoj wajun tobʼanik riʼ rech kiya tijonik chike ri iwalkʼwal?
2. ¿Jas kbʼan che retaʼmaxik ri kajwataj chike pa kijujunal ri akʼalabʼ?
2 Chachomaj ri kajwataj che ri akʼal. Ri e akʼalabʼ xaq ta e junam (1 Cor. 13:11). Rumal laʼ, ¿jas kbʼan che retaʼmaxik ri kajwataj chike pa kijujunal? Rajawaxik che ri nan tat kechʼoman chirij ri kijunabʼ xuqujeʼ ri kkaj ri kalkʼwal. Xuqujeʼ, rajawaxik kechoman chirij ri kekun ri kalkʼwal che uchʼobʼik xuqujeʼ ri tiempo che kekunik kkitatabʼej ri kbʼix chike. Ri kʼutunem «Mis primeras lecciones de la Biblia» utz chike ri akʼalabʼ che kʼo oxibʼ kijunabʼ o majaʼ na. Tekʼuriʼ ri bʼantajik rech ri Utzij ri Dios rech ri kʼutunem «De padres a hijos» sibʼalaj utz xuqujeʼ kʼax ta uchʼobʼik. Chqetaʼmaj chirij nikʼaj chik tobʼanik che e kʼolik.
3. ¿Jas kkibʼan ri nan tat rech kkikoj ri e bʼantajik xuqujeʼ ri e chak che kʼo pa ri sección «Ideas para la adoración en familia»?
3 Jujun taq noʼj che ri qʼijilanik pa ri familia. Pa ri sección «Ideas para la adoración en familia» kʼo utz pixabʼ chike ri e kʼamal bʼe pa ri familia. Rech qas ketaʼmax chirij ri bʼantajik xuqujeʼ ri chak chapitzʼaʼ ri kubʼij wi «Descargar» xuqujeʼ chawilaʼ pa «Guía para los padres». Kukʼ ri akʼalabʼ che e nitzʼ na utz kkoj ri e wachbʼal, xuqujeʼ ri uxaq che ktzʼajik. Kukʼ ri akʼalabʼ che e nimaʼq chik ketoʼ che utzukuxik rech kketaʼmaj nikʼaj chik jastaq. Ronojel ri chak che kʼo pa ri uxaq «Guía para los padres» kʼo ubʼanik rukʼ ri bʼantajik o ri kʼutunik chirij ri Utzij ri Dios. Xa je wariʼ, konojel ri familia kekunik kʼo kkibʼano.
4. ¿Jas kʼo chupam ri sección «Hazte amigo de Jehová»?
4 Chatux rachiʼl ri Jehová. Ri videos, bʼixonem xuqujeʼ ri chak che kʼo pa ri sección «Hazte amigo de Jehová» rech ri jw.org keʼutoʼ ri nan tat rech kkikʼut ri Utzij ri Dios chkiwach ri alaj taq kalkʼwal (Deut. 31:12). Ri videos rech dibujos kukʼut utz kʼutunem chkiwach ri akʼalabʼ, xuqujeʼ ri etzʼanem che kʼo pa ri sección «Actividades» keʼutoʼ rech kkanaj kan pa kijolom. Rumal che e kʼi chike kkaj kebʼixonik —ri bʼixonem are jun tobʼanik che sibʼalaj utz rech ksach ta ri ketaʼmam chik—, amaqʼel kyaʼ pa wajun sección riʼ bʼixonem re ri Ajawbʼal xuqujeʼ bʼixonem ke ri alaj taq akʼalabʼ.
5. ¿Jasche rajawaxik che ri nan tat kkitaʼ che ri Jehová che kukʼam kibʼe xuqujeʼ keʼutoʼo?
5 Nan tat, Jehová kraj che kiriq utzilal xuqujeʼ kixkunik kikʼut ri qastzij chkiwach ri iwalkʼwal. Rumal laʼ, kubʼan ta kebʼ ikʼuʼx chitaʼ ri utobʼanik ri Jehová xuqujeʼ che kukʼam ibʼe (Juec. 13:8). Rukʼ wariʼ kixkunik kitoʼ ri iwalkʼwal rech kkʼojiʼ kinoʼj xuqujeʼ kikojonik chirij ri Cristo Jesús rech kekolotajik (2 Tim. 3:15; Prov. 4:1-4).