Chqabʼanaʼ sibʼalaj utz che ri qachak: chachaplej tzijonik rech kaya ubʼixik ri utzij ri Dios apachiʼ taneʼ at kʼo wi

¿Jasche rajawaxik? Are chiʼ kqatzijoj ri utzij ri Dios chuchiʼ taq ja, e kʼo winaq che kojkun taj kojtzijon kukʼ rumal che e kʼo ta pa kachoch. Are kʼu, weneʼ keqariq pa jun chʼichʼ, chiʼ kojbʼe rukʼ jun kunanel, chiʼ tajin kojuxlan pa ri chak o pa ri tijobʼal, xuqujeʼ pa nikʼaj chik lugar. Ri urayibʼal ri Jehová are che konojel winaq kkita ri utzalaj taq tzij rech ri Ajawbʼal (1 Tim. 2:3, 4). Kʼi mul are rajawaxik che oj kqamajij ri tzijonem rech kqatzijoj ri utzij ri Dios.

Ri kqabʼano:

Qas chawilaʼ na. ¿La kukʼut ri winaq che utz xuqujeʼ kraj ktzijonik? ¿La utz ri lugar rech kixtzijonik? Jujun qachalal nabʼe kekay che ri winaq xuqujeʼ ketzeʼn rukʼ. We ri winaq xuqujeʼ ktzeʼnik, kkimaj tzijonem rukʼ.
We kanaʼo che katkun taj katchʼawik chabʼanaʼ achʼawem pa wanimaʼ (Neh. 2:4; Hech. 4:29).
Chamajij ri atzijonem rukʼ kebʼ oxibʼ tzij, weneʼ kaya rutzil uwach ri winaq. Jesús nabʼe taj xumaj ri tzijonem rukʼ ri ixoq samaritana chrij ri Ajawbʼal (Juan 4:7). Jujun mul kojkunik kqabʼij utz taq tzij che ri winaq chrij ri kubʼano, weneʼ kqabʼij wariʼ: «Sibʼalaj utz ri kkibʼan ri awalkʼwal». Xuqujeʼ utz kabʼan wajun pregunta: «¿La xawil ri noticias iwir?».
Chiʼ amajim chi ri tzijonem, chawilaʼ jampaʼ katchʼaw chrij ri utzij ri Dios, are kʼu chanim taj kabʼano. Xaq chattzijon na. Weneʼ kʼo jun jastaq che kabʼij che kubʼan che ri winaq che kraj kretaʼmaj más chrij o che kubʼan jun pregunta chawe. Jun kʼutbʼal, we tajin katzijon chrij ri familia, utz kabʼij: «In xinsikʼij uwach pa jun wuj jun pixabʼ che kchʼaw chrij ri kikʼiyisaxik ri akʼalabʼ ri pixabʼ sibʼalaj utz». We tajin kattzijon chrij ri noticias, utz kabʼij: «Kʼateʼ majaʼ naj xinsikʼij uwach jun wuj che kchʼaw chrij utz taq jastaq». Katbʼison taj we xatkun taj xattzijon chrij ri utzalaj taq tzij che ri winaq.
Chakʼamaʼ bʼi alaj taq wuj o nikʼaj chik wuj rech kaya chke ri winaq che kkaj kkita ri utzij ri Dios.

Chabʼanaʼ waʼ pa jun ikʼ:

Chakojoʼ achuqʼabʼ che pa neʼ xa jun mul pa jun semana kamajij tzijonem rukʼ jun winaq rech kaya ubʼixik ri utzij ri Dios apachiʼ taneʼ at kʼo wi.