Chqabʼanaʼ sibʼalaj utz che ri qachak: chqamajij tzijonem che kuya kqatzijoj ri utzij ri Dios

Jesús xkunik xutzijoj ri utzij ri Dios che jun ixoq samaritana rumal che umajim chi tzijonem rukʼ. ¿Jas kqabʼano rech kqanaqʼtisaj qibʼ kojtzijon kukʼ winaq che man kqachʼobʼ ta kiwach?

• Chattzijon rukʼ utzil kukʼ ri e winaq. Pa neʼ Jesús kosinaq, xumaj jun tzijonem. ¿Jas xubʼan che? Kʼax taj, xaq xiw xutaʼ jubʼiqʼ jaʼ rech kuqumuj. Katkunik kamajij tzijonem rukʼ kebʼ oxibʼ tzij weneʼ kattzijon chrij ri ukʼextajik ri qʼij o chrij jun jastaq che kʼateʼ xkʼulmatajik. Ri kqaj are che kojtzijon rukʼ ri winaq, rumal laʼ chatchʼaw chrij temas che kubʼano che ktzijon awukʼ. We kraj ta ktzijon awukʼ, kʼo ta kubʼano. Chabʼanaʼ rukʼ jun chi winaq. Chataʼ che ri Jehová che kuya ukowil akʼuʼx (Ne 2:4; Hch 4:29).

• Chatkʼaskʼatoq rech katkunik kaya ubʼixik chrij ri utz taq jastaq re ri Ajawbʼal, are kʼu chanim taj kabʼano. Chabʼanaʼ che pa awanimaʼ kel wi lo ri kabʼij, xa ta kakoj chuqʼabʼ. We xa kakoj chuqʼabʼ chrij ri kabʼij kubʼano che ri winaq kraj ta chik katutatabʼej xuqujeʼ ktzijon awukʼ. Katbʼison taj we xatkun taj kattzijon chrij ri Jehová are chiʼ xkʼis ri tzijonem. We kʼax kariqo kamaj tzijonem, nabʼe chattzijon rukʼ ri winaq chrij apachike jastaq. [Chakojoʼ ri video 1 xuqujeʼ chatchʼaw chrij kukʼ ri e qachalal].

• Chabʼanaʼ che kattzijon chrij ri utzij ri Dios, chabʼij jujun jastaq chrij ri qakojonik weneʼ kubʼano che ri winaq kraj kretaʼmaj más. Are laʼ ri xubʼan Jesús, xubʼan che xraj xutatabʼej ri samaritana, xuqujeʼ are xubʼan kʼi preguntas che. Are chiʼ Jesús xchʼaw chrij ri ajawbʼal, are xutzalij uwach ri preguntas xbʼan che. [Chakojoʼ ri video 2 xuqujeʼ chatchʼaw chrij kukʼ ri e qachalal. Xuqujeʼ je chabʼanaʼ, rukʼ ri video 3].