Chqabʼanaʼ sibʼalaj utz che ri qachak: chqabʼij kan jun pregunta rech kojkunik kojtzalijik

¿Jasche rajawaxik? We kqariq jun winaq che kraj kutatabʼej ri kqatzijoj, kqaj kojtzalij rukʼ chiʼ kʼo pa rachoch rech kqajaj ri ijaʼ re ri qastzij che xqaya kan pa ranimaʼ (1 Cor. 3:6). Kʼi mul, wariʼ kraj kubʼij che chiʼ majaʼ kqatanabʼa ri qatzijonem kqabʼij kan che ri kqaj kqatzijoj rukʼ pa ri jun chi mul. Xuqujeʼ utz che kqabʼan kan jun pregunta che rech kqaya ubʼixik chrij chiʼ kojtzalij chi jumul, je wariʼ kqatoʼ ri winaq rech kchoman chrij ri kqakʼut chuwach. We ri pregunta che xqaya kan che kʼo pa ri wuj, weneʼ kubʼano che kusikʼij uwach. Chiʼ kqabʼij kan ri kqatzijoj pa ri jun chi mul kubʼano che kʼax taj kojtzalijik rumal che qachom chi jun kʼutunem xuqujeʼ ri winaq retaʼm chik ri kqil rukʼ. Chiʼ kojtzalij rukʼ ri winaq, kojkunik kqabʼij che kqaya ubʼixik chrij ri pregunta che xqabʼan kan che pa ri nabʼe mul xuqujeʼ kqaj kojtzijon chi rukʼ.