Chqabʼanaʼ sibʼalaj utz che ri qachak: Cheʼasolij ri e winaq

¿JAS CHE NIM UBANIK? Kʼi taq winaq ri kkaj kketaʼmaj chrij ri Ajawbʼal tajin kkitzukuj ri qastzij chrij ri Dios (Isa 55:6). Rech kqakʼut chkiwach che kekʼiy pa ri kikojonik, rajawaxik kojtzalij che kisolixik kʼi mul. Ri e winaq tajin keqʼax chuwach jalajoj taq kʼax, rumal laʼ rajawaxik kqakʼex ri ubʼantajik ri qatijonik rech kopan pa kanimaʼ ri winaq. Xuqujeʼ, Sibʼalaj utz kel ri qachak we qas kqatijoj qibʼ xuqujeʼ qas kqachʼobʼ ri rumal che kqasolij ri winaq, rukʼ ri chomanik che kqamaj jun etaʼmanik re ri Biblia.

¿JAS KQABAN CHE UBANIK?

• Chakojoʼ achuqʼabʼ rech chanim kattzalij che usolixik ri winaq, weneʼ pa kebʼ oxibʼ qʼij (Mt 13:19).

• Chatux utzalaj winaq xuqujeʼ nim cheʼawilaʼ. Nojimal chatchʼawoq.

• Chamajij rukʼ uyaʼik jun utz rutzil uwach. Chachʼabʼej ri winaq rukʼ ubʼiʼ. Chabʼij che jasche xattzalij chi jumul: rech katzalij uwach ri jun pregunta, chakʼamaʼ lo ri revista re ri ikʼ che, chatchʼaw rukʼ chrij ri qakʼolbʼal pa Internet, chakʼutuʼ jun video chuwach o chakʼutuʼ chuwach ri ubʼanik jun etaʼmanik re ri Biblia. We ri winaq kraj kretaʼmaj chrij jun kʼutunem chik, chakʼexaʼ ri achomam chi ri kabʼij (Flp 2:4).

• Chajaʼj ri ijaʼ re ri qastzij che xatik kan pa ranimaʼ ri winaq rukʼ jun versículo re ri Biblia o rukʼ jun wuj (1Co 3:6). Chakojoʼ achuqʼabʼ rech katux jun utzalaj achiʼl rukʼ ri winaq.

• Chabʼij kan jun pregunta rech katkunik kattzalijik.