Ri ukojik jun mesa o jun carreta che ukʼutik ri wuj kuya más kikotemal kimik
1. ¿Jas bʼim chke ri congregaciones che rajawaxik kkibʼano we pa kiterritorio kʼo jun lugar che keqʼax wi kʼi winaq?
1 Bʼim chke ri congregaciones che kuya kkikoj jun mesa o jun carreta rech kkikʼut ri e wuj we kʼo lugar pa kiterritorio che keqʼax wi kʼi winaq. We kkoj ri carreta che ukʼutik ri wuj, utz che pa neʼ xa jun qachalal ktakʼiʼ o kkubʼiʼ che uxukut. We kkoj ri mesa, rajawaxik che kebʼ qachalal kekʼojiʼ rukʼ. Konojel ri ketobʼan che wajun chak riʼ rajawaxik e utz xuqujeʼ kekikotik. Chiʼ jun winaq kqebʼ rukʼ ri carreta, jun chke ri qachalal kuya kumajij ri tzijonem rukʼ ri tzij riʼ: «¿La achomam ri kubʼij ri Biblia chrij wajun kʼutunem riʼ?». Xuqujeʼ, jun o kebʼ qachalal che kekʼojiʼ naqaj che ri qachalal che kʼo rukʼ carreta kuya kkitzijoj ri utzij ri Dios chke ri winaq che keʼokʼowik.
2. Chabʼij jun bʼantajik che kukʼutu che sibʼalaj utz kkoj jun carreta rech kkʼut ri wuj chkiwach ri winaq.
2 Rumal che ktzijox ri utzij ri Dios rukʼ mesa o ri carreta, e kʼi winaq xkimaj retaʼmaxik chrij ri Biblia. Jun kʼutbʼal, jun winaq che kʼo pa jun nim tijobʼal xuchomaj che kutzʼibʼaj jun wuj che kchʼaw chkij ri testigos rech Jehová, are kʼu xuriq ta nijun Ja rech Ajawbʼal pa ri tinamit jachiʼ kʼo wi. Chiʼ qʼaxinaq chi jun semana che utzukum xril jun mesa rukʼ wuj kech ri Testigos pa ri nimalaj tijobʼal. Xumajij retaʼmaxik chrij ri Biblia, kimik ubʼanom chi uqasanjaʼ xuqujeʼ ktobʼan pa wajun chak riʼ.
3. ¿Jas kibʼim ri qachalal che e tobʼanaq che ukʼutik ri wuj rukʼ carreta?
3 Jun qachalal ixoq che ktobʼan che ukojik ri carreta xubʼij: «Kʼo jujun winaq kkikʼam bʼi ri revista rech ri ikʼ. Nikʼaj chik ketaʼm taj che e kʼo testigo rech Jehová. Rukʼ wajun chak riʼ, kojkunik kqatzijoj ri utzij ri Dios chke kʼi winaq». Jun chik qachalal ixoq xubʼij: «Are jun chak che junam ta rukʼ ri tzijonem chuchiʼ taq ja xuqujeʼ sibʼalaj kuya kikotemal, rumal che are ri winaq keqebʼ lo qukʼ, pa neʼ xaq xiw kkaj kkilo».
4. ¿Jasche rajawaxik che kkʼex ta ri qʼij, ri hora xuqujeʼ ri lugar che kyaʼ wi ri carreta?
4 Are rajawaxik che kkʼex ta ri qʼij, ri hora xuqujeʼ ri lugar che kyaʼ wi ri carreta. Rech ri winaq amaqʼel kkilo, rukʼ waʼ kʼax taj keqebʼ che ubʼanik preguntas o utaʼik jun wuj. ¿La kkoj jun carreta pa ri acongregación che ubʼixik ri utzij ri Dios? Chattobʼan che ubʼanik wajun chak riʼ rech kariq ri kikotemal che kuya ubʼixik «ri rajawibʼal ri Dios» pa ronojel kʼolbʼal (Luc. 9:60).