Ri ucholaj ri Kʼutunik rech kqetamaj ubʼixik rutzij ri Ajawaxel rech 2015 kojutoʼ rech utz kqabʼan che kitijoxik ri winaq chrij ri Biblia

¹ Ri David xutzʼibʼaj wariʼ: «Chekʼamar ta ri e nutzij umal la xuqujeʼ taq ri nuchomanik, oh Ajawaxel panibʼal xuqujeʼ torol wech» (Sal. 19:14). Oj xuqujeʼ kqaj che utz kril ri Jehová ri qatzij xuqujeʼ che nim kqil wi che kuya kqatzijoj ri qastzij pa ri congregación xuqujeʼ chuchiʼ taq ja. Rech kojutijoj che ubʼanik, Jehová kukoj kʼi jastaq, jun chke are ri Kʼutunik rech kqetamaj ubʼixik rutzij ri Ajawaxel. Ronojel taq semana kyaʼ wajun tijobʼal riʼ pa 111.000 congregaciones cho ronojel uwach Ulew e utoʼm ronojel kiwach winaq rech kekunik kkitzijoj ri utzij ri Dios chke nikʼaj chik winaq rech kopan pa kanimaʼ, rukʼ utzil xuqujeʼ rukʼ ukowil kaminaʼ (Hech. 19:8; Col. 4:6).

² Pa ri ucholaj ri Kʼutunik rech kqetamaj ubʼixik rutzij ri Ajawaxel rech 2015 kil kʼutunem rech ri e wuj Ri xebʼantaj ojer tzʼibʼatal pa Loqʼalaj Wuj, Ri Utzij ri Dios xuqujeʼ ri kutzijoj xuqujeʼ Jujun chke ri jastaq che kʼo pa ri Utzij ri Dios. Jun chik che xkʼexik are che xjikʼ ri tiempo rech ri nim kibʼanik che kesax pa ri Loqʼalaj Pixabʼ xuqujeʼ ri nabʼe asignación. Chqilaʼ ri xkʼexik xuqujeʼ ri pixabʼ rech kqil ri kqabʼan che kiyaʼik ri asignaciones rech ri tijobʼal.

³ Ri nim kibʼanik che kesax pa ri Loqʼalaj Pixabʼ. Ri e qachalal che kkiya wajun chʼabʼal riʼ kkikoj kebʼ minutos rech kkiya ubʼixik chrij jun nim ubʼanik che kesax pa ri Loqʼalaj Pixabʼ rech ri semana. Rech kkunik kuya jun utz pixabʼ che kajwataj che ri congregación pa ri tiempo che yaʼom che rajawaxik qas kutijoj ribʼ. Tekʼuriʼ, kʼo seis minutos chke konojel rech kkibʼij ri xketaʼmaj chrij ri Biblia pa treinta segundos. Chiʼ kqachomaj ri jupaj qatzij che kqaya pa treinta segundos o kraj na jubʼiqʼ rajawaxik qas kqakoj qachuqʼabʼ che utijoxik qibʼ. Are kʼu, are sibʼalaj utz we je kqabʼano xuqujeʼ rukʼ waʼ nikʼaj chik qachalal xuqujeʼ kekunik kkibʼij ri xketaʼmaj chrij ri Biblia.

⁴ Nabʼe ajtijoxel. Xjikʼ ri tiempo are chi xa oxibʼ minutos o kraj na jubʼiqʼ yaʼom che usikʼixik ri Biblia, kimik xa chi jubʼiqʼ. Ri kkisikʼij uwach ri Biblia rajawaxik nabʼe kkitijoj kibʼ xuqujeʼ rajawaxik qas utz ubʼixik ri tzij kkibʼij, rech qas kchʼobʼ ri ksikʼix uwach. Konojel ri testigos rech Jehová rajawaxik qas utz kkibʼan che usikʼixik uwach wuj, rumal che ri usikʼisik uwach wuj nim ubʼanik pa ri qaqʼijilanik. Sibʼalaj kojkikotik chiʼ keqil e kʼi akʼalabʼ pa ri qacongregación che sibʼalaj kekun che usikʼixik ri uwach wuj. Ri e nan tat che kkikoj kichuqʼabʼ che ukʼutik chkiwach ri kalkʼwal ri usikʼixik uwach wuj taqal chke che kqabʼij chke che utz ri tajin kkibʼano.

⁵ Ukabʼ ajtijoxel. Jun qachalal ixoq kyaʼow ri kʼutunik pa cinco minutos. Ri qachalal rajawaxik are kukoj ri wuj che esam wi ri asignación. Are kʼu we kel pa ri wuj Jujun chke ri jastaq che kʼo pa ri Utzij ri Dios, rajawaxik che kbʼan ri qas kbʼan che utzijoxik ri utzij ri Dios pa ri territorio. Chiʼ kesax pa jun chi wuj, rajawaxik kubʼan ri kubʼij pa ri wuj che bʼim che xuqujeʼ kuchaʼ ri textos. Xuqujeʼ, kkunik kukoj nikʼaj chik textos che kchʼaw chrij ri kʼutunem. Are ri ajkʼamal bʼe kubʼij jachin ktowik.

⁶ Urox ajtijoxel. Wajun asignación riʼ kyaʼ pa cinco minutos, che jun qachalal achi o ixoq. We are jun qachalal ixoq, are kubʼan junam rukʼ ri ukabʼ ajtijoxel. Are chiʼ kyaʼ che jun qachalal achi, we ri kʼutunem kesax pa jun chik wuj utz che kuya junam rukʼ jun chʼabʼal, kchoman chkij ri qachalal rech ri congregación. Ri ajtijoxel rajawaxik kukoj ri kʼutunem xuqujeʼ kuchaʼ ri textos che kukojo.

⁷ Jun kʼakʼ ubʼanik ri urox asignación. Chiʼ kkoj ri wuj Jujun chke ri jastaq che kʼo pa ri Utzij ri Dios, xuqujeʼ we kyaʼ che jun qachalal achi, rajawaxik kubʼan junam rukʼ jun demostración rech ri qʼijilanik pa ri familia o ri kbʼan che utzijoxik ri utzij ri Dios. Kʼi mul, ri ajkʼamal bʼe rech ri kʼutunik kubʼij jachin ri tobʼanel xuqujeʼ ri marco de circunstancias. Rajawaxik che ri ktoʼwik are jun chke ri ufamilia o jun qachalal achi rech ri congregación. Xuqujeʼ kkunik kukoj chi nikʼaj textos che kchʼaw chrij ri pixabʼ che kʼo ubʼanik rukʼ ri kʼutunem. We kyaʼ che jun ajkʼamal bʼe rech kukʼut ri kbʼan che tijonik, kkunik kuchaʼ ri ktoʼwik xuqujeʼ ri marco de circunstancias. Qastzij wi sibʼalaj kuya kichuqʼabʼ ri congregación che jun ajkʼamal bʼe kukʼut ri kbʼan che uyaʼik ri kʼutunem rukʼ ri familia o rukʼ jun chik qachalal.

⁸ Pixabʼ. Ri ajkʼamal bʼe rech ri Kʼutunik rech kqetamaj ubʼixik rutzij ri Ajawaxel kukoj kebʼ minutos che ubʼixik che ri ajtijoxel che utz ri xubʼano xuqujeʼ kubʼij utz taq pixabʼ rech ri wuj Benefíciese. Chiʼ ri ajkʼamal bʼe kubʼij chi ri jun chik asignación, kubʼij taj jas pa uwiʼ kchakun wi ri qachalal. Chiʼ uyaʼom chi ri asignación ri ajkʼamal bʼe kubʼij utz taq tzij che ri ajtijoxel, kubʼij jachiʼ xchakun wi pa ri wuj Benefíciese xuqujeʼ kubʼij ri utz xubʼano, o rukʼ utz taq tzij kubʼij ri kusukʼumaj na.

⁹ Ri ajtijoxelabʼ kekunik kkiriq ubʼiʼ ri chak pa ri uxaq 79 kopan 81 rech ri wuj Benefíciese. Chiʼ kkʼis ri riqbʼal ibʼ, chiʼ ri ajtijoxel uyaʼom chi ri asignación, ri ajkʼamal bʼe rech ri Kʼutunik rech kqetamaj ubʼixik rutzij ri Ajawaxel kutzʼibʼaj pa ri uwuj ri ajtijoxel ri rajawaxik xuqujeʼ kutaʼ che pa utukel we xubʼan ri uchak ri bʼim che ri kubʼij ri wuj. Xuqujeʼ utz che kukoj ri tiempo riʼ che ubʼixik che ri ajtijoxel che utz ri xubʼano xuqujeʼ kuya jun pixabʼ che, che rajawaxik. Rajawaxik che ri ajtijoxelabʼ kkita ri pixabʼ che kubʼij ri ajkʼamal bʼe rech ri Kʼutunik rech kqetamaj ubʼixik rutzij ri Ajawaxel rech keʼutoʼ che ubʼanik más utz che ri kichak (1 Tim. 4:15).

¹⁰ We ri ajtijoxel kqʼax che ri tiempo, ri ajkʼamal bʼe rech ri Kʼutunik rech kqetamaj ubʼixik rutzij ri Ajawaxel o jun toʼl re kukʼut rukʼ jun timbre o kukʼojkʼaʼ ri lapicero chiʼ kqʼax ri ajtijoxel che ri tiempo. We je kbʼan waʼ ri ajtijoxel xaq xiw kukʼis kan ubʼixik ri tzij che tajin kubʼij rajawaxik kbʼe pa ri ukʼolbʼal (chawilaʼ ri wuj Benefíciese, pág. 282, párr. 4).

¹¹ Kbʼix chke konojel che kuya kkitzʼibʼaj kibʼ pa ri Kʼutunik rech kqetamaj ubʼixik rutzij ri Ajawaxel we kibʼanom chi pa kikʼaslemal ri kubʼij ri Dios (chawilaʼ ri wuj Benefíciese, pág. 282, párr. 6). Wajun tijobʼal riʼ utijom ri utinamit ri Dios rech kkiya ubʼixik ri utzalaj taq tzij rech ri Ajawbʼal rukʼ chuqʼabʼ, rukʼ sukʼilal xuqujeʼ rukʼ loqʼoqʼenik. Qastzij wi Jehová kraj che kqakoj ri kqetaʼmaj pa ri tijobʼal riʼ che uyaʼik uqʼij (Sal. 148:12, 13; Is. 50:4).