Chqabʼanaʼ sibʼalaj utz che ri qachak: chawetaʼmaj ri kabʼij che jun winaq che kpe royowal

¿Jasche rajawaxik? Are chiʼ kqatzijoj ri utzij ri Dios keqariq kʼi winaq che e utz. Are kʼu, ri Jesús xubʼij kanoq che e kʼo winaq itzel kojkilo (Juan 17:14). Rumal laʼ, kqaxibʼij ta qibʼ we kʼo jumul kqariq jun winaq che kpe royowal chqij. We je kkʼulmataj waʼ, rajawaxik che kpe ta qoyowal rech utz kril ri Jehová, ri Dios che kojchʼaw chrij (Rom. 12:17-21; 1 Ped. 3:15). We kqakoj utz taq tzij kubʼano che knimar ta ri koyowal winaq. Xuqujeʼ, kuya jun utz kʼutbʼal che ri winaq xuqujeʼ chke ri kojkilo, wariʼ kubʼano che kkaj kekitatabʼej ri Testigos pa jun qʼij chik (2 Cor. 6:3).