Ri e tzij riʼ rajawaxik kekʼojiʼ pa awanimaʼ

Kojkunik kqajunamaj ri e nan tat rukʼ jun ajyuqʼ. Junam rukʼ jun ajyuqʼ keʼuchajij ri uchij, ri nan tat rajawaxik kekichajij ri kalkʼwal. Jujun chke kesachik xuqujeʼ kkiriq kʼax (Prov. 27:23). ¿Jas kkibʼan ri nan tat rech keʼux utz taq ajyuqʼabʼ? Sibʼalaj rajawaxik kkikoj kitiempo ronojel taq qʼij rech ketzijon kukʼ ri kalkʼwal. Rukʼ wariʼ kekunik kketaʼmaj ri kkichomaj xuqujeʼ ri kʼo pa kanimaʼ (Prov. 20:5). Xuqujeʼ kekunik kkiya kichuqʼabʼ ri kikojonik ri kalkʼwal rukʼ tobʼanik che ksach ta uwach rumal ri qʼaqʼ (1 Cor. 3:10-15). Ri video ubʼiʼ Estas palabras tienen que estar en tu corazón kukʼutu che sibʼalaj rajawaxik che amaqʼel kbʼan ri qʼijilanik pa ri familia. Chiwilaʼ kukʼ ri ifamilia tekʼuriʼ kiwil ri preguntas che kʼo waral.

1) ¿Jasche ri familia Román keʼok ta il che ri kikojonik? 2) ¿Jasche utz ta xel chuwach ri qachalal Román ri nabʼe mul che xraj xubʼan ri qʼijilanik pa ri familia? 3) ¿Jas ri qas utz kbʼan che kikʼiyisaxik ri akʼalabʼ che kubʼij ri Biblia? (Deut. 6:6, 7.) 4) ¿Jas rajawaxik kbʼanik rech kojkunik kojtzijon más pa ri familia? 5) ¿Jas jastaq rajawaxik kkibʼan ri nan tat pa neʼ kʼax ubʼanik rech kkitoʼ ri kalkʼwal? 6) ¿Jas tobʼanik xkiya ri qachalal Vargas che ri familia Román? (Prov. 27:17.) 7) ¿Jas rajawaxik kkibʼan ri e tat rech kkitijoj kibʼ we kkaj utz kel ri Qʼijilanik pa ri familia? 8) ¿Jas xubʼan ri qachalal Román rech xumajij ukʼexik ri jastaq pa ri ufamilia? 9) ¿Jasche rajawaxik amaqʼel kbʼan ri qʼijilanik pa ri familia? (Efes. 6:4.) 10) Chabʼij jujun jastaq che utz kbʼan pa ri qʼijilanik pa ri familia. 11) Are chiʼ Tomás xchʼaw rukʼ ri nabʼeʼal ukʼojol chrij ri ubʼanik ri utz, ¿jasche utz che ko xuchʼabʼej, are kʼu xpe ta royowal? (Jer. 17:9.) 12) ¿Jas xkibʼan Tomás xuqujeʼ Mónica che utoʼik ri Rebeca rech kuchomaj ri kubʼan rukʼ Justin? (Mar. 12:30; 2 Tim. 2:22.) 13) ¿Jasche kabʼij at che Tomás xuqujeʼ Mónica xkikʼutu che kʼo kikojonik are chiʼ xkisukʼumaj ri kikʼaslemal? (Mat. 6:33.) 14) ¿Jas tobʼanik kuya wajun video riʼ chke ri kʼamal bʼe pa ri familia rech kkilo che rajawaxik kkichajij ri kikojonik ri kifamilia? (1 Tim. 5:8) 15) ¿Jas rajawaxik kkibʼan ri e kʼamal bʼe rech ri familia?

PIXABʼ CHKE RI NAN TAT: Are chiʼ xkʼut wajun drama riʼ pa ri nim riqbʼal ibʼ rech oxibʼ qʼij 2011, ¿la xawilo che rajawaxik kasukʼumaj ri qʼijilanik pa ri familia? Are chiʼ awilom chi wajun video riʼ, ¿la xawil nikʼaj chik jastaq che rajawaxik kabʼano? Chataʼ che ri Jehová che katutoʼ che ubʼanik ri rajawaxik rech kekolotaj ri afamilia (Efes. 5:15-17).