Ri kqabʼan che ukojik ri grabaciones re audio
1. Qetaʼm che e kʼo wuj, ¿jas jun chi tobʼanik kʼolik?
1 Rumal ri qakʼolbʼal pa Internet jw.org, e kʼi winaq kkiriq utzilal chiʼ kkisikʼij uwach wuj che sibʼalaj utz ktatajik xuqujeʼ qastzij ri kubʼij (Ecl. 12:10). Are kʼu ¿la atom ri grabaciones re audio? Kʼi chke ri e wuj che kʼo pa Internet xuqujeʼ kʼo pa audio. ¿Jas kojutoʼ wi?
2. ¿Jas kqabʼan che ukojik ri grabaciones rech kqatijoj qibʼ pa qatukel xuqujeʼ pa ri familia?
2 Rech katijoj awibʼ pa atukel xuqujeʼ rukʼ ri afamilia. Utatabʼexik ri grabaciones rech ri Biblia, ri revistas o nikʼaj chik wuj are chiʼ oj bʼenaq pa bʼe o chiʼ tajin kqabʼan nikʼaj chik chak are jun chke ri utz ukojik ri tiempo (Efes. 5:15, 16). Rech jalajoj ri kqabʼan che ri qʼijilanik pa ri familia are utz che kqasikʼij uwach ri e wuj are chiʼ kqatatabʼej jun grabación re ri wuj. Xuqujeʼ are chiʼ kqetaʼmaj chrij ri Utzij ri Dios pa qatukel, ri grabaciones are jun utz tobʼanik rech utz kqabʼan che usikʼixik ri wuj o chiʼ tajin kqetaʼmaj jun kʼakʼ chʼabʼal.
3. Ri winaq che keqariq pa ri territorio, ¿e jachin qas keʼutoʼ ri grabaciones?
3 Pa ri qachak che ri Dios. Kʼi chke ri winaq che keqariq pa ri qachak che ri Dios kkichomaj che sibʼalaj kʼo kʼi kkibʼano rumal laʼ kekun taj kkisikʼij uwach wuj, are kʼu weneʼ kkaj kkitatabʼej jun grabación. Nikʼaj chik kechʼaw ta pa ri qachʼabʼal weneʼ kkaj kkitatabʼej ri utzalaj taq tzij re ri Ajawbʼal we kqakoj jun grabación che kʼo pa kichʼabʼal (Hech. 2:6-8). Pa jujun taq tinamit sibʼalaj nim ubʼanik ri utatabʼexik ri kbʼixik. Jun kʼutbʼal, ri alaj tinamit hmong kʼamanaq chke kkitzijoj ri bʼantajinaq chke ri kalkʼwal, xuqujeʼ kkanaj kan pa kijolom ri kkita. Kʼi lugares rech África, ri e winaq sibʼalaj kkaj kkitatabʼej chrij ri bʼantajinaq rech kketaʼmaj.
4. Are chiʼ kqakoj ri grabaciones pa ri qachak che ri Dios, ¿jas chrij rajawaxik kojchoman wi nabʼe?
4 Are chiʼ kojchoman chrij ri qaterritorio, ¿la are utz we kqakoj jun chke ri grabación rech ri winaq kutatabʼej jubʼiqʼ pa ri uchʼabʼal? ¿La awetaʼm uwach jun winaq che ktoʼ rumal jun grabación rech kataq bʼi pa jun correo? ¿La utz we kaqʼaxej ri grabación pa jun disco tekʼuriʼ kaya che ri winaq che kraj kretaʼmaj más xuqujeʼ ri wuj? Ri libro, folleto, revista o alaj wuj che kataq bʼi pa correo katkunik katzʼibʼaj pa ri achak re ri ikʼ. Ri grabaciones rech audio xaq xiw ta bʼanom rech kqakoj che retaʼmaxik ri Biblia pa qatukel, xuqujeʼ rech kqajabʼuj ri ijaʼ rech ri qastzij (1 Cor. 3:6).