Rajawaxik kqatijoj qibʼ rech kojux ut zalaj ajtijabʼ

Kebʼ mul xbʼan jun pregunta che ri Jesús chrij ri kʼaslemal che kʼo ta ukʼisik. Areʼ junam ta ri xubʼan che utzalixik uwach are xubʼij ri kajwataj che ri winaq (Luc. 10:​25-​28; 18:​18-​20). Xa junam rukʼ, pa neʼ qetaʼm chi ri kʼutunem che kqil rukʼ ri ajtijoxel, rajawaxik nabʼe kqatijoj qibʼ rech kojchoman chrij ri kajwataj che. ¿Jas ri qas ta kkun che uchʼobʼik o ukojik? ¿Jas versículos che kʼo pa ri párrafo rajawaxik kqasikʼij uwach? ¿Jampaʼ párrafos utz kqil rukʼ ri winaq? Weneʼ rajawaxik kojchoman chrij jun kʼutbʼal, ri kqabʼan che ubʼixik o jujun taq preguntas che kutoʼ ri ajtijoxel rech kuchʼobʼ ri kʼutunem. Are kʼu ksach ta chqe, che are ri Jehová kbʼanowik che kkʼiy ri ijaʼ rech ri qastzij pa ri kanimaʼ ri e winaq. Rumal laʼ rajawaxik kqataʼ che ri Jehová che kutewchij ri ajtijoxel, xuqujeʼ kojutewchij are chiʼ kqatijoj qibʼ xuqujeʼ kutewchij ri chuqʼabʼ che kqakoj che utoʼik ri winaq rech knimar ri ukojonik (1 Cor. 3:6; Sant. 1:5).