Utz chqabʼanaʼ che ukojik ri wuj Su qas kukʼut

Are chiʼ ri ajtijoxelabʼ kketaʼmaj ri kukʼut ri Biblia xuqujeʼ kkibʼan pa kikʼaslemal, kkimaj ukʼutik che tajin knimar ri kikojonik (Sal. 1:1-3). We utz kqabʼan che ukojik ri ubʼantajik ri wuj Su qas kukʼut, kojkun riʼ keqatoʼ rech knimar más ri kikojonik.

Preguntas che e kʼo pa umajibʼal ri kʼutunem. Pa ronojel ri e kʼutunem kʼo preguntas che kyaʼ ubʼixik chrij pa taq ri párrafos. Kojkunik kqabʼano, are kʼu are ta kraj kubʼij che ri ajtijoxel kutzalij uwach, are che kutoʼ rech más kraj kretaʼmaj ri kubʼij pa ri kʼutunem. Jun chik che kojkunik kqabʼano are che kqabʼij che, che kubʼij jujun taq tzij chrij ri preguntas. Weneʼ kubʼij jun jastaq che qastzij taj, are kʼu rajawaxik taj che chanim kqabʼij che, che utz ta ri xubʼij, rumal che rukʼ ri kubʼij kojutoʼ che uchʼobʼik ri kqabʼan che ubʼixik ri pixabʼ re ri kʼutunem (Prov. 16:23; 18:13).

Nikʼaj chik etaʼmanik. We ri ajtijoxel xuchʼobʼ ri kubʼij ri kʼutunem, kojkunik kqabʼij che, che kusikʼij uwach ri nikʼaj chik etaʼmanik che kchʼaw chrij ri kʼutunem pa utukel. Pa jumul chik, kojkunik kqabʼan jujun preguntas che, rech kqilo we kʼo xuchʼobʼ taj. Are kʼu we kqilo che utz, kqakoj jujun minutos re ri etaʼmanik rech kqil jujun párrafos o ronojel ri nikʼaj chik etaʼmanik rukʼ. Kojkunik kqasikʼij uwach ri párrafos xuqujeʼ preguntas che qachomam chik.

Recuadro che kʼo pa ri ukʼisbʼal ri kʼutunem. Pa ronojel ri e kʼutunem kʼo jun recuadro che kuya ubʼixik chrij ri pregunta che kʼo pa ri umajibʼal ri kʼutunem. We kqil rukʼ ri ajtijoxel kqilo we xuchʼobʼo xuqujeʼ we kkunik kubʼij ri kuya ubʼixik pa ri kʼutunem. Are chiʼ qasikʼim chi uwach ri kubʼij pa ri recuadro xuqujeʼ ri texto che kʼo chilaʼ, kqabʼij che ri winaq rech kukoj ri texto riʼ rech kubʼij che qastzij ri kubʼij chupam ri recuadro (Hech. 17:​2, 3).