CHOJUX MÁS UTZ AJTIJABʼ
Chqabʼanaʼ sibʼalaj utz che ri qachak: chatzʼibʼaj ri kawaj kabʼij chiʼ katzujuj ri revistas
RI RUMAL CHE RAJAWAXIK: Pa neʼ ri kʼutbʼal che kʼo pa ri Wuj re chak sibʼalaj e utz, are kʼu xa e pixabʼ rech kqabʼan qe. Kuya kabʼij rukʼ ri atzij. Weneʼ kawaj kaya ubʼixik chrij ri kʼutunem rukʼ nikʼaj chik tzij, o kawaj kakoj jun kʼutbʼal chik che más kkaj kkita ri winaq pa ri territorio. We jeʼ wariʼ, nabʼe chasikʼij uwach ri revistas, chawilaʼ ri kʼutbʼal yaʼom chqe xuqujeʼ ri e videos che kukʼut ri e kʼutbʼal; tekʼuriʼ chatzʼibʼaj ri kawaj kabʼij at rukʼ ri e pixabʼ che kyaʼ chqe.
RI KQABʼANO:
¿La kakoj jun chke ri kʼutbʼal yaʼom chqe?
KINKOJO
Chachomaj ri kabʼij chiʼ kel lo ri winaq xuqujeʼ chabʼij che ri winaq ri rumal che katopanik. (Kʼutbʼal: «In petinaq rumal...»).
Chachomaj ri kabʼij rech kuya kasikʼij jun texto rech ri Biblia chiʼ abʼim chi jun pregunta, xuqujeʼ rech kuya katzujuj jun wuj. (Kʼutbʼal, rech kuya kakoj jun versículo, kuya kabʼij: «Chawilaʼ ri kubʼij ri Biblia chrij wariʼ»).
KINKOJ TAJ
Chachaʼ jun chke ri kʼutunem rech ri revistas che utz kawilo xuqujeʼ che utz kkil ri winaq rech ri territorio.
Chachomaj jun pregunta che kubʼano che ri winaq kubʼij ri kuchomaj, are kʼu kaya ta pa kʼixbʼal. (Kʼutbʼal: chakojoʼ ri preguntas che kʼo pa ri uxaq 2 rech ri revistas).
Chachaʼ jun versículo xuqujeʼ chasikʼij uwach. (Che ri wuj ¡Despertad!, xaq xiw we kawaj at rumal che ri revista riʼ bʼanom chke winaq che xaq jubʼiqʼ ketaʼmabʼal chrij ri Biblia o kekojon ta chrij ri kojonik).
Chachomaj jun o kebʼ tzij rech kabʼij che ri winaq chrij ri tobʼanik kuya ri wuj che we kusikʼij uwach.
AMAQʼEL CHANAʼTAJ WARIʼ
Chachomaj jun pregunta rech kaya ubʼixik pa jun chi qʼij.
Chatzʼibʼaj ri xitzijoj rech kachʼobʼ ri kabʼij pa ri jun chi qʼij.