Chqabʼanaʼ sibʼalaj utz che ri qachak: utz chqabʼanaʼ che ubʼixik ri nabʼe taq tzij

¿Jasche rajawaxik? We ri nabʼe taq qatzij kchʼaw ta chrij ri jastaq che kraj ri winaq kretaʼmaj, weneʼ kraj ta chik kojuto chiʼ kqatzijoj ri utzij Dios che. Rumal laʼ, e k’i qachalal kkib’ij che ri nabʼe taq tzij sibʼalaj nim ubʼanik. Pa neʼ kʼo jujun pixabʼ pa ri wuj Ri Qachak che ri Dios xuqujeʼ pa ri wuj Razonamiento che kojutoʼ, are kʼu ronojel taj ri kuya kqabʼij kʼo chupam, rech kojkunik kqakoj chi nikʼaj tzij we kqaj. Pa neʼ kʼo ronojel chupam, ri e qachalal kekunik kkikʼexo o kekunik kkikoj ri kkichomaj e areʼ. Sibʼalaj utz kel ri qachak we nabʼe kojchoman chrij ri nabʼe taq tzij che kqabʼij chke ri winaq chuwach we ri kqabʼij are ri kpe pa qajolom chiʼ oj kʼo chi chuchiʼ jun ja (Prov. 15:28).

Ri kqabʼano:

Chachaʼ jun kʼutunem che kʼo pa ri wuj che kakoj che utzijoxik ri utzij ri Dios xuqujeʼ che utz kkil ri winaq rech ri territorio.
Chatchonam chrij ri nabʼe taq tzij kabʼij chiʼ ayaʼom chi rutzil uwach ri winaq. Katkunik kabʼij wariʼ: «Tajin katqasolij rumal che...», «E kʼi winaq keʼok il che...», «Kwaj kwetaʼmaj ri kachomaj chrij...». Kʼi mul, are utz che xa kebʼ oxibʼ tzij kqakojo xuqujeʼ kʼax ta uchʼobʼik. Jujun qachalal kkya pa kijolom ri nabʼe taq tzij che kkaj kkikojo.
Chataʼ ri kuchomaj ri winaq rech areʼ xuqujeʼ kubʼij ri kuchomaj (Mat. 17:25). Chnaʼtaj chawe che are chiʼ katopanik, weneʼ ri winaq kʼo tajin kuchomaj, rumal laʼ ri kqataʼ che ri winaq utz we kʼax ta uchʼobʼik xuqujeʼ kuchomaj taj che xa kqataqchij che ubʼixik.

Chabʼanaʼ waʼ pa jun ikʼ:

Pa ri qʼijilanik rech ri familia chikojoʼ itiempo rech kiwiloʼ jas tzij kikojo xuqujeʼ rech kitijoj iwibʼ che ri nabʼe taq tzij kikoj che utzijoxik ri utzij ri Dios.
Are chiʼ katzijoj ri utzij ri Dios chatzijoj che ri awachiʼl ri nabʼe taq tzij che kawaj kakojo (Prov. 27:17). We kawilo che qas ta utz, chakʼexaʼ.