Chqakojoʼ ri wuj Jujun chke ri jastaq che k’o pa ri Utzij ri Dios che umajixik tzijonem kukʼ ri winaq
1. ¿Jas kʼakʼ tobʼanik kojkunik kqakoj che utzijoxik ri utzij ri Dios?
1 Majaʼ naj xyaʼ ri kʼakʼ wuj Jujun chke ri jastaq che k’o pa ri Utzij ri Dios chqe. Weneʼ qilom chik che ri textos e bʼanom pa jupuq che kchʼaw chrij kʼi taq kʼutunem rech ri Biblia, kjunamataj rukʼ ri wuj Razonamiento, rumal laʼ utz che kqakoj che umajixik tzijonem kukʼ ri winaq. ¿Jas kqabʼan che ukojik chiʼ kqachomaj ri kqabʼij chke ri winaq rech kqatzijoj ri utzij ri Dios?
2. ¿Jas kqabʼan che ukojik ri folleto Jujun chke ri jastaq che k’o pa ri Utzij ri Dios che utzijoxik ri utzij ri Dios?
2 Jun kʼutbʼal, kojkunik kqakoj ri pregunta 8 xuqujeʼ kqabʼij: «Oj tzijonaq jubʼiqʼ kukʼ nikʼaj winaq xuqujeʼ qilom che e kʼi kkaj kketaʼmaj we are ri Dios ajmak che kqariq kʼax. [Pa jujun taq territorio ri winaq utz kkilo che kqakʼut ri pregunta chkiwach pa ri folleto.] ¿Jas kachomaj at? [Chata ri kubʼij ri winaq.] Ri Biblia kuya ubʼixik chrij wajun chomanik riʼ». Tekʼuriʼ katkunik kasikʼij uwach xuqujeʼ kattzijon chrij jun o más versículos che tzʼibʼatal pa ri wuj. We ri winaq utz kuta ri kabʼij che, chakʼutuʼ ri e 20 preguntas chuwach che kʼo pa ri nabʼe uxaq ri folleto xuqujeʼ chabʼij che, che kattzijon rukʼ pa jun chi qʼij chrij jun chke ri preguntas. Xuqujeʼ katkunik katzujuj jun chke ri wuj che kqakoj che kitijoxik ri winaq chrij ri Biblia xuqujeʼ chabʼij che, che kchʼaw más chrij ri kʼutunem che xatzijoj che.
3. ¿Jas kqabʼan che ukojik ri kʼakʼ wuj rech kqamajij tzijonem kukʼ ri winaq che kekojon ta chrij ri Jesús?
3 Ri preguntas 4 xuqujeʼ 13 kopan 17 sibʼalaj utz kqakojo are chiʼ kqatzijoj ri utzij ri Dios pa taq ri lugares che e kʼo winaq che kekojon ta chrij ri Jesús. Jun kʼutbʼal, kojkunik kqakoj ri pregunta 17 xuqujeʼ kqabʼij: «Tajin keqasolij ri winaq rech kqatoʼ ri familias. Qilom che kimik ri familias kkiriq más kʼax. ¿Jas kachomaj at? [Chata ri kubʼij ri winaq.] Kʼi chke ri winaq che e kʼulanik kkaj kkibʼan ri kubʼij ri utz taq tzij riʼ: ‹Ri ixoq xuqujeʼ rajawaxik nim kril wi ri rachajil›. [Rajawaxik taj kabʼij che, che ri xuya ubʼixik che are ri kʼo pa Efesios 5:33. We tajin kattzijon rukʼ jun ixoq, katkunik, kakʼut ri kubʼij Efesios 5:28.] ¿La kabʼij at che keʼutoʼ ri e kʼulaj we kkibʼan pa kikʼaslemal ri e pixabʼ kubʼij waral?».
4. ¿Jas kabʼij are chiʼ kakʼis ri atzijonem rukʼ jun winaq che kkojon ta chrij ri Jesús?
4 Are chiʼ kakʼis ri tzijonem, chabʼij che ri winaq che kawaj kattzalij chi pa jun qʼij rech kattzijon rukʼ chrij ri kʼutunem che xixchʼaw chrij. Are chiʼ kattzalijik, katkunik kakoj jun chke ri versículos che kʼo pa ri pregunta che xiwil kan nabʼe. We kawilo che utz kabʼano, chabʼij che ri winaq che ri utzalaj taq pixabʼ che tajin kixtzijon chrij esam pa ri Biblia. Chatchoman chrij ri itzijom chik xuqujeʼ ri kuchomaj ri winaq chrij ri Biblia, tekʼuriʼ chatzujuj jun chke ri wuj che utz krilo, (Chawilaʼ ri wuj Ri Qachak che ri Dios re diciembre 2013, pág. 3 kopan 6.)