¿Jas wuj kojkunik kqakoj che kitoʼik ri winaq che kekojon ta chirij ri Dios o chirij ri Biblia?
1. ¿La konojel ri winaq utz kkil ri wuj Su qas kukʼut chi kkil nabʼe mul? Chabʼij jasche.
1 Rech jun winaq kuya uqʼij ri Jehová rajawaxik kretaʼmaj ri kubʼij ri Biblia. Are kʼu, e kʼo winaq che e kojonaq taj xuqujeʼ kkikoj taj che ri Biblia are Utzij ri Dios. E kʼo nikʼaj chik che kkikoj taj che kʼo Dios xuqujeʼ nim ta kkil ri Biblia. ¿Jas wuj keʼutoʼ ri winaq chi weneʼ kkaj taj kkikʼam ri wuj Su qas kukʼut? Ri kubʼij chuxeʼ wariʼ are ri eʼutom qachalal rech 20 nimaʼq taq tinamit.
2. We kʼo jun winaq kubʼij chaqe che kukoj taj che kʼo ri Dios, ¿jas rajawaxik kqetaʼmaj nabʼe xuqujeʼ jasche?
2 Ri winaq che kkikoj taj che kʼo Dios. We kʼo jun winaq che kubʼij che kukoj ta ri Dios, utz nabʼe kqetaʼmaj ri rumal che kkojon taj. ¿La rumal che kukoj ri kkʼut chirij ri evolución? ¿La rumal che kʼo ta sukʼilal pa ri uwach Ulew che kkojon ta chik o rumal ri molom taq tzij che kʼo pa ri kojonem? ¿La rumal che areʼ re jun tinamit che kʼi winaq kekojon ta chi chirij ri Dios? Pa neʼ kubʼij taj «kinkojon ta chirij ri Dios» are kʼu kuchomaj taj che rajawaxik kkojon chirij ri Dios. Kʼi qachalal kilom che are chiʼ kkitaʼ chike ri winaq «¿La are wi wariʼ ri achomanik?», kubʼano che kkibʼij ri kkichomaj. Are utz che katatabʼej ri kubʼij kʼa kukʼis na ri kubʼij. Chiʼ kqachʼobʼ ri rumal che ri winaq kukoj taj che kʼo ri Dios, kqachʼobʼ riʼ ri kqabʼij che xuqujeʼ ri wuj kqaya kan che (Prov. 18:13).
3. ¿Jas kqabʼan che ukʼutik che nim kqil ri kuchomaj ri winaq xuqujeʼ ri kukojo?
3 Chiʼ kojtzijon kukʼ ri winaq, utz che kqakʼutu che nim kqil wi ri kkichomaj chirij ri jastaq. Jun qachalal rech Estados Unidos xubʼij: «Sibʼalaj rajawaxik che nim kqil wi che ri winaq kekunik kkichaʼ ri kkaj kkikojo. Utz taj che kqabʼij che ri winaq che utz ta ri uchomanik, are utz che kqatoʼ che uchʼobʼik rech areʼ utukel krilo che rajawaxik kukʼex ri uchomaik». Are laʼ ri kubʼan jun ajsolinel rech circuito. Are chiʼ utaʼom chi ri kubʼij ri winaq, kutaʼ che: «¿La kʼo jumul at chomanaq chirij wajun chomanik riʼ?», tekʼuriʼ kubʼij ri kraj kubʼij che ri winaq.
4. ¿Jas rajawaxik kqachomaj chiʼ kojtzijon kukʼ ri budistas?
4 E kʼo kʼi winaq rech ri kikojonem budista kkikoj taj che kʼo jun Dios. Chiʼ ketzijobʼex ri winaq riʼ, jujun qachalal rech Gran Bretaña kilom che utz kkikoj ri folleto Cómo hallar paz y felicidad duraderas. Chiʼ kilom chi ri nabʼe taq uxaq, kkil ri kʼutunem ubʼiʼ «¿Existe un Creador todopoderoso?». Pa jun chi qʼij kkil ri jun chi kʼutunem ubʼiʼ «Una guía para toda la humanidad». Tekʼuriʼ, we kkilo che utz, kkikoj ri wuj Su qas kukʼut kkibʼij che ri winaq: «Pa neʼ kakoj taj che kʼo ri Dios, retaʼmaxik chirij ri Biblia sibʼalaj katutoʼ, rumal che kʼo utz taq pixabʼ chupam». Jun precursor che kutzijoj ri utzij ri Dios chike winaq rech ri tinamit China pa Estados Unidos xubʼij: «Ri winaq rech ri qaterritorio kkaj kkisikʼij uwach wuj, rumal laʼ chiʼ kojtzalij chi kukʼ ri xkikʼam kan jun wuj, kʼi mul kikʼisom chi usikʼixik uwach. Are kʼu e kʼi kkichʼobʼ ta ri rumal che kyaʼ jun etaʼmanik chirij ri Biblia. Rumal laʼ chiʼ kintzijon nabʼe mul rukʼ jun winaq kinkʼut ri wuj Utz jastaq, che bʼanom rech kojtzijon kukʼ ri winaq». Jun ajsolinel rech circuito pa Estados Unidos che keʼusolij congregaciones rech ri chʼabʼal chino kubʼij che utz kkoj ri wuj Su qas kukʼut chiʼ kbʼan tzijonem kukʼ ri winaq nabʼe mul. We kbʼan waʼ, utz kkil ri kʼutunem 2, che kubʼij ri ubʼanik ri Biblia, weneʼ rajawaxik taj kmajix rilik ri kʼutunem 1, che kchʼaw chirij ri Dios.
5. ¿Jasche rajawaxik kkʼojiʼ qapaciencia?
5 Ri kojonik chirij ri Dios aninaq taj kkʼiyik, rumal laʼ rajawaxik kkʼojiʼ qapaciencia. Weneʼ xaq ta rukʼ jumul kojtzijon rukʼ ri winaq rech kukojo che kʼo jun Ajbʼanol re ri jastaq. We kʼu keqasolij kʼi mul, weneʼ kojkunik kqatoʼo rech kubʼij: «Weneʼ kʼo ri Dios» o kubʼij: «Kinchʼobʼo ri rumal che nikʼaj chik kekojon chirij».
6. ¿Jas rumal che jujun winaq kkaj taj kkita ri kubʼij ri Biblia?
6 Ri winaq che kkaj taj kkisikʼij uwach ri Biblia. Kʼi mul keqariq winaq che kekojon chirij ri Dios are kʼu kkikoj taj che ri Biblia petinaq rukʼ ri Dios, rumal laʼ kkaj taj kketaʼmaj chirij ri kutzijoj. Are laʼ ri kkibʼan ri winaq pa ri e tinamit che kekojon ta chirij ri Jesús xuqujeʼ kkichomaj che ri Biblia ke ri qastzij taj cristianos. Xuqujeʼ kbʼan wariʼ pa tinamit che pa neʼ kkibʼij che kekojon chirij ri Jesús are kʼu kkinimaj ta chi ri kubʼij ri Biblia. ¿Jas kqabʼano rech ri e winaq riʼ kkaj kketaʼmaj chirij ri Biblia xuqujeʼ kkaj kketaʼmaj rukʼ utobʼanik ri wuj Su qas kukʼut?
7. ¿Jas utz kqabʼano rech kojkunik kqabʼano che ri winaq kkaj kketaʼmaj chirij ri Biblia?
7 Jun wuj che xutaq ri sucursal rech ri tinamit Grecia kubʼij: «Ri qas utz kqabʼan che kitoʼik ri winaq che kkaj taj kketaʼmaj chirij ri Biblia are che kqajaq chkiwach xuqujeʼ kqakʼut ri kubʼij chupam. E kʼi qachalal kilom che ri kutzijoj ri Biblia kopan pa kanimaʼ ri winaq chuwach jun chi jastaq che ri e areʼ kkibʼij (Heb. 4:12). Are chiʼ kkilo che kʼo ri ubʼiʼ ri Dios pa ri Biblia ubʼanom chike kʼi winaq che kkaj kketaʼmaj chirij». Xuqujeʼ ri sucursal rech ri tinamit India xubʼij che ri e winaq rech wajun tinamit riʼ utz kkita ri kubʼij ri Biblia chirij ri kʼaslemal xuqujeʼ ri kamikal. Xuqujeʼ utz kkito che ri Dios kubʼij che kopan na jun qʼij che ri winaq kkixutuj ta chi kibʼ. Chiʼ ketzijobʼex ri winaq chirij ri jastaq che keʼok il che ubʼanom che ri qachalal e kunaq che ukʼutik ri kubʼij ri Biblia che kubʼan na ri Rajawbʼal ri Dios che resaxik ri kʼax.
8. ¿Jas kojkunik kqabʼij chike ri winaq che utz ta ri kichomanik chirij ri Biblia rumal ri kkikʼut o kkibʼan ri e qastzij taj cristianos?
8 We kʼo jun winaq che utz ta ri uchomanik chirij ri Biblia rumal ri kkikʼut ri e qastzij taj cristianos, rajawaxik ketoʼ che retaʼmaxik che ri kkikʼutu xuqujeʼ ri kkibʼan ri e kojonem riʼ are ta ri kubʼij pa ri Biblia. Ri sucursal rech India xubʼij: «Kʼo jujun mul rajawaxik kqakʼutu che ri Biblia kech ta ri qastzij taj cristianos». Xuqujeʼ xubʼij che ri winaq rech India sibʼalaj kopan pa kanimaʼ ri kubʼij pa ri kʼutunem 4 rech ri wuj ubʼiʼ ¿Qué propósito tiene la vida? ¿Cómo descubrirlo?, che kukʼutu che ri e kojonem kikʼexom o kkaj kkisach uwach ri kubʼij ri Utzij ri Dios. Jun precursor rech ri tinamit Brasil kubʼij chike ri winaq: «Kʼi winaq kkaj kkinikʼoj ri kubʼij ri Biblia rukʼ jun utz chomanik, rajawaxik taj che kebʼe pa jun kojonem. Chabʼanaʼ awe wariʼ, weneʼ kariq utz taq jastaq chupam».
9. ¿Jasche kqaya ta kan ubʼixik che ri winaq pa neʼ kubʼij chaqe che kraj taj kretaʼmaj chirij ri Biblia?
9 Jehová kril ri kʼo pa kanimaʼ ri winaq (1 Sam. 16:7; Prov. 21:2). Xuqujeʼ kubʼan chike ri utz kanimaʼ keʼok pa ri qastzij kojonem (Juan 6:44). Kʼi chike ri winaq riʼ kʼo ta e toʼwinaq che retaʼmaxik chirij ri Dios xuqujeʼ chirij ri Biblia. Rumal che kqatzijoj ri utzij ri Dios ubʼanom che «kekolotaj ri winaq» chiʼ «kaketamaj ri qastzij» (1 Tim. 2:4). Rumal laʼ, we kʼo jun winaq kubʼij chaqe che kraj taj kretaʼmaj chirij ri Biblia, kqaya ta kan ubʼixik che. Rumal che e kʼi wuj e kʼolik, chqatzukuj jun che kubʼan che ri winaq kraj kretaʼmaj. Chiʼ qʼaxinaq chi ri tiempo, weneʼ kojkunik kqakoj ri wuj che qas kqakoj che kitijoxik ri winaq: ri wuj ubʼiʼ ¿Su qas kukʼut ri Loqʼalaj Pixabʼ?
[Wachbʼal rech ri uxaq 4]
Ri kbʼan che kitoʼik ri winaq che kkikoj taj che kʼo Dios
• Rech kqetaʼmaj ri rumal che ri winaq kkikoj taj che kʼo Dios, chqataʼ chike: «¿La are wi wariʼ ri achomanik?».
• We are budista, utz kakoj ri uxaq 9 kopan 12 rech ri folleto Cómo hallar paz y felicidad duraderas.
• We kukoj ri kkʼut chirij ri evolución, utz kqakoj ri kubʼij chuxeʼ wariʼ:
Ri e kʼutunem ubʼiʼ «¿Casualidad o diseño?», rech ¡Despertad!
Ri video Las maravillas de la creación revelan la gloria de Dios
Ri kʼutunem 4 rech ri folleto Cómo lograr una vida llena de satisfacción, ri folleto ¿Es la vida obra de un Creador? xuqujeʼ El origen de la vida. Cinco cuestiones dignas de análisis
• We kʼo ta chi kikojonik chirij ri Dios rumal che kʼo ta sukʼilal xuqujeʼ che kʼo kʼaxkʼolil, utz kqakoj ri nikʼaj chi tobʼanik:
Ri kʼutunem 10 rech ri wuj ubʼiʼ ¿Existe un Creador que se interese por nosotros?
Ri kʼutunem 6 rech ri folleto ¿De veras se interesa Dios por nosotros? xuqujeʼ ri kʼutunem 6 rech ri folleto ¿Qué propósito tiene la vida? ¿Cómo descubrirlo?
• Chiʼ ri winaq kumajij ukojik che kʼo Dios, utz kqakoj ri wuj Su qas kukʼut. Weneʼ utz che kqamaj rilik ri kʼutunem 2 o jun chi kʼutunem che kraj kretaʼmaj.
[Wachbʼal rech ri uxaq 5]
Ri kbʼan che kitoʼik ri winaq che kkikoj ta ri kubʼij ri Biblia
• Utz kqakoj ri kʼutunem 17 xuqujeʼ 18 rech ri wuj ubʼiʼ La vida... ¿cómo se presentó aquí? ¿Por evolución, o por creación?
• We ri winaq rech ri kojonik hindú, chqakojoʼ ri folleto ¿Por qué debemos adorar a Dios con amor y verdad?
• We ri winaq rech ri kojonik judía, utz kqakoj ri uxaq 3 kopan 11 rech ri folleto ¿Habrá algún día un mundo sin guerra? (kbʼan ta chi pa español).
• Chqakʼutuʼ ri utzilal kuya chiʼ kbʼan ri pixabʼ che kʼo pa ri Biblia. Rech kketaʼmaj chirij ri utzilal che kuyaʼo utz kqakoj ri e wuj che kubʼij chuxeʼ wariʼ:
Ri e kʼutunem «Ayuda para las familias», rech ¡Despertad!
Ri video La Biblia: el poder que ejerce en su vida
Ri kʼutunem 9 xuqujeʼ 11 rech ri folleto Kbʼix utz jastaq rech ri Ajawaxel, ri uxaq 22 kopan 26 rech ri folleto Un libro para todo el mundo (kbʼan ta chi pa español) xuqujeʼ ri kʼutunem 2 rech ri folleto Cómo lograr una vida llena de satisfacción
We ri winaq are budista, kqakoj ri uxaq 3 kopan 7 rech ri folleto El camino de la paz y la felicidad
We ri winaq rech ri kojonik musulmana, kqakoj ri kʼutunem 3 rech ri folleto La fe verdadera, la puerta a una vida feliz
We ri winaq kʼo pa jun tinamit che ri e winaq kkikoj ta ri Biblia, weneʼ utz che pa ri nabʼe mul che kojtzijon rukʼ kqabʼij ta che ri kqesaj wi ri utz taq pixabʼ che kqatzijoj che.
• Chqabʼij che, che bʼanom ri bʼim kan pa ri Biblia. Rech kqabʼan waʼ, kojkunik kqakoj ri e wuj che kubʼij chuxeʼ wariʼ:
Ri video La Biblia: historia exacta, profecía confiable
Ri uxaq 27 kopan 29 rech ri folleto Un libro para todo el mundo (kbʼan ta chi pa español)
• Chiʼ kqilo che ri winaq kumajij ukʼutik che kraj kretaʼmaj ri kubʼij ri Biblia chirij jalajoj kʼutunem, kojkunik kqakoj ri wuj Su qas kukʼut.
[Wachbʼal rech ri uxaq 6]
We kʼo jun kubʼij: «Kinkoj taj che kʼo Dios»
• Kojkunik kqataʼ che: «¿La awetaʼm ri xubʼan chwe in che xinkojo che kʼo jun Ajbʼanol re ri jastaq?». Tekʼuriʼ kqakʼut jujun jastaq che kʼo pa ri wuj Razonamiento pa ri uxaq 87 kopan 89. Xuqujeʼ kojkunik kqabʼij che, che kqakʼam bʼi jun wuj che xojutoʼ oj.
• Kojkunik kqataʼ che: «Wet kʼo jun Ajbʼanol re ri jastaq, ¿jas bʼantajik riʼ kawaj at kukʼutu?». Chirij wariʼ, kʼi winaq kkibʼij che Dios rajawaxik riʼ che sukʼ xuqujeʼ xa ta keʼuchaʼ ri winaq keraj, utz xuqujeʼ kutoqʼobʼisaj qawach. Chiʼ ubʼim chi ri winaq ri kuchomaj, kqakʼut chuwach ri kubʼij ri Biblia che ri Dios kʼo ubʼantajik junam rukʼ wariʼ. (Weneʼ utz kqil ri kʼutunem 1 rech ri wuj Su qas kukʼut xuqujeʼ kqamaj bʼi rilik pa ri párr. 6.)
We kʼo jun kubʼij: «Kinkoj ta ri kubʼij ri Biblia»
• Kojkunik kqabʼij che: «E kʼi winaq kkichomaj ri kachomaj at. Jujun kkibʼij che ri Biblia junam ta ri kubʼij rukʼ ri ketaʼmam ri winaq che kketaʼmaj chirij ri kajujew o kkibʼij che kʼo ta chi upatan kimik. ¿La kʼo jumul asikʼim uwach? [Chatatabʼej ri kubʼij ri winaq. Chqilaʼ ri kubʼij ri folleto Cómo lograr una vida llena de satisfacción, kʼutunem 3, párr. 1 xuqujeʼ 2.] Pa jun chi qʼij kwaj kinkʼut chawach rukʼ utobʼanik wajun folleto riʼ jujun utz taq pixabʼ che kʼo chupam ri Biblia».
• O kqabʼij: «Kʼi winaq je kibʼim chaqe. Are kʼu in kwaj kinkʼut jun versículo che sibʼalaj utz xwil in [chqasikʼij uwach Job 26:7, che kukʼutu che ri Biblia tzʼaqat ri kubʼij chiʼ kjunamax rukʼ ri ketaʼm ri winaq chirij ri kajulew]. Pa ri Biblia xuqujeʼ kʼo kʼi utz taq pixabʼ chike ri familia. In kwaj kintzalij lo awukʼ rech kinkʼut jun kʼutbʼal chawach».
• Xuqujeʼ kojkunik kqabʼij: «Kinmaltyoxij che xabʼij ri qas kachomaj. Are kʼu wet qastzij che ri Dios xuya kan jun wuj chaqe, ¿jas etaʼmanik riʼ kʼo chupam kabʼij at?». Tekʼuriʼ chakʼutuʼ rukʼ ri Biblia jun jastaq che kʼo ubʼanik rukʼ ri xubʼij ri winaq.