Chqabʼanaʼ sibʼalaj utz che ri qachak: cheʼasikʼij ri winaq che kkaj kketaʼmaj más rech keʼopan pa ri riqbʼal ibʼ

RI RUMAL CHE RAJAWAXIK: Pa ri riqbʼal ibʼ kojkunik kojbʼixonik xuqujeʼ kqaqʼijilaj ri Jehová ronojel taq semanas (Sl 149:1). Xuqujeʼ kqetaʼmaj ubʼanik ri urayibʼal (Sl 143:10). Ri e winaq che kkaj kketaʼmaj xuqujeʼ ri e ajtijoxelabʼ re ri Biblia chanim kkʼiy ri kikojonik are chiʼ kkimaj rilik ri e riqbʼal ibʼ.

RI KQABʼANO:

• Chanim chayaʼ ri wuj re sikʼinik che ri winaq. Rajawaxik taj che tajin kaya etaʼmanik re ri Biblia che ri winaq (Apoc 22:17).

• 

  Chabʼij chke ri kkaj kketaʼmaj chrij ri Biblia ri ubʼanik ri qariqbʼal ibʼ xuqujeʼ chabʼij chke ri kyaʼ ubʼixik pa ri jun chi riqbʼal ibʼ. Jun chke ri tobʼanik, are ri e wuj re sikʼinik re ri e riqbʼal ibʼ, ri video ¿Jas ubʼanik ri e qariqbʼal ibʼ? xuqujeʼ ri e kʼutunem 5 xuquje’ 7 rech ri folleto Ri kraj ri Jehová.

• 

  Chatzujuj ri atobʼanik. Jun kʼutbʼal, ¿la rajawaxik kkʼam bʼi pa chʼichʼ o katoʼ che uchaʼik ri ratzʼyaq? Pa ri e riqbʼal ibʼ, chatt’uyul rukʼ xuqujeʼ junam chawilaʼ ri e wuj rukʼ. Chabʼanaʼ che ketaʼmax uwach kumal ri nikʼaj chi achalal.