Ri kbʼan che ukojik ri wuj che kʼax ta uchʼobʼik re ri Jas qas kukʼut

Ri wuj What Can the Bible Teach Us? kjunamataj rukʼ ri wuj Jas qas kukʼut. Ri e kebʼ wuj riʼ kebʼan na pa kʼi chʼabʼal, junam kubʼan che ukʼutik ri qastzij xuqujeʼ junam ri ucholajil ri e kʼutunem e kʼo chupam. Are kʼu ri kʼakʼ wuj, ri chomanik xuqujeʼ ri kubʼan che ubʼixik ri kʼo chupam are más kʼax ta uchʼobʼik. Xbʼan chke ri qas ta kekun che uchʼobʼik ri kubʼij ri wuj Jas qas kukʼut. Pa kʼisbʼal re ri wuj, pa ukʼaxel ri nikʼaj chik etaʼmanik, kʼo notas che kʼax ta kubʼan che ubʼixik jujun tzij o chomanik re ri párrafos che kʼo pa ri wuj. Pa ri chapletajik re ri e kʼutunem kʼo ta preguntas xuqujeʼ kʼo ta recuadro re repaso. Pa ukʼaxel, kʼo jun resumen re ri qastzij che e kʼo pa ri e párrafos. Junam rukʼ ri wuj Jas qas kukʼut, wajun wuj riʼ utz kkoj pa ronojel tiempo, pa neʼ tajin kkoj jun chi wuj pa ri ikʼ. ¿Jas kqabʼano rech kqabʼan utz ukojik ri kʼo chupam wajun wuj riʼ che kʼax ta uchʼobʼik rech kqaya etaʼmanik chrij ri Biblia?

RESÚMENES. Kukʼ kʼi chke ri winaq kojkunik kqabʼan ri oj naqʼatal che ubʼanik, pa nikʼaj chik tzij, kqasikʼij uwach ri wuj Jas qas kukʼut, xuqujeʼ kqabʼan ri pregutnas che rukʼam ri wuj. Are kʼu ¿we kʼo jun winaq che qas ta retaʼm ri chʼabʼal o qas ta kkunik kusikʼij uwach wuj? We jeʼ kkʼulmataj waʼ, kojkunik kqakoj ri edición che kʼax ta uchʼobʼik re ri wuj Jas qas kukʼut. Kojkunik kqakoj ri resúmenes re jujun chke ri e kʼutunem rech kqaya ri etaʼmanik xuqujeʼ weneʼ kqabʼij che ri winaq che kusikʼij uwach ri wuj pa utukel. Kʼi taq mul, jun chke ri qastzij re ri Biblia kuya kqakʼut pa jun etaʼmanik pa quince minutos. Ri e resúmenes are kʼi ta ri kʼo chupam chuwach ri e kʼutunem. Wariʼ kraj kubʼij che ri publicador rajawaxik qas kutijoj ribʼ chrij ri e kʼutunem xuqujeʼ qas kchoman chrij ri kajwataj che ri ajtijoxel. Are kʼu we kkil ri e párrafos re ri kʼutunem, ri publicador kkunik kukoj ri resumen rech kubʼan jun repaso.

NOTAS RE QʼALAJISANIK. Ri e tzij xuqujeʼ ri e chomanik che e kʼo pa ri notas keriqitaj pa ri e párrafos re ri wuj. Are ri publicador kchomanik we kkil ri notas are chiʼ kkil ri e párrafos.