Chayaʼ uchuqʼabʼ rukʼ utz taq tzij jun cristiano inactivo

Ronojel taq junabʼ e kʼi cristianos inactivos kepe pa ri Unaʼtabʼalil ri ukamikal ri Jesús. Pa neʼ e areʼ xkimaj bʼinem pa ri bʼe re kʼaslemal, rumal kʼi jastaq nojim xkiya kanoq, junam rukʼ ri kubʼij pa ri folleto Jehová desea que vuelva (Heb 12:1). Are kʼu ri e inactivos kʼa nim na keʼil rumal Jehová, rumal che areʼ xeʼuloqʼ rukʼ ri ukikʼel ri Ukʼojol (Hch 20:28; 1Pe 1:18, 19). ¿Jas kqabʼan che kitoʼik rech ketzalij lo pa ri congregación?

Ri e ajkʼamal taq bʼe re ri congregación kkikoj kichuqʼabʼ rech ketzijon kukʼ ri e qachalal e inactivos xuqujeʼ kekitoʼ, junam rukʼ jun ajyuqʼ kukoj uchuqʼabʼ rech keʼutzukuj ri e chij che kkitas kan kibʼ che ri jupuq chij (Lu 15:4-7). Wariʼ kukʼut ri nimalaj uloqʼoqʼenik ri Jehová (Jer 23:3, 4). Are kʼu xaq xiw ta ri ajkʼamal taq bʼe kekunik kekitoʼ ri e qachalal riʼ; qonojel kojkunik kqabʼano. Apachike jastaq kqabʼan che ukʼutik loqʼoqʼebʼal sibʼalaj utz kril Jehová xuqujeʼ nim upatan (Pr 19:17; Hch 20:35). Rumal laʼ, chachomaj jachin rajawaxik katoʼ xuqujeʼ aninaq chabʼanaʼ.

CHAWILAʼ RI VIDEO CHEQALOQʼOQʼEJ RI E INACTIVOS TEKʼURIʼ CHABʼANAʼ RI E PREGUNTAS RIʼ:

• ¿Jas xubʼan Abbey are chiʼ xretaʼmaj uwach jun qachalal ixoq inactiva?

• ¿Jasche rajawaxik kojtzijon kukʼ ri ajkʼamal taq bʼe we tajin kqachomaj kqatoʼ jun qachalal inactivo?

• ¿Jas xubʼan Abbey are chiʼ majaʼ kebʼe che rilik Laura chukamul?

• ¿Jas xubʼan Abbey che ukʼutik paciencia xuqujeʼ loqʼoqʼebʼal che utoʼik Laura?

• ¿Jas kqetaʼmaj chrij ri kʼutbʼal xukoj Jesús che kʼo pa Lucas 15:8-10?

• ¿Jas ri utzilal xuya che konojel xkikoj kichuqʼabʼ che utoʼik Laura?