Ri Kkaj Kketaʼmaj Ri Qachalal

◼ We kʼo jun qachalal che kʼi chi tiempo tajin ta chi kutzijoj ri utzalaj taq tzij, ¿jas kbʼan che utoʼik rech kutzijoj chi jumul?

Chiʼ jun qachalal che qʼaxinaq chi waqibʼ ikʼ che tajin ta chi kuya ubʼixik ri utzalaj taq tzij kukʼutu che qas kraj kupatanej ri Jehová rukʼ ronojel ranimaʼ kuya kikotemal chaqe (Luc. 15:4-6). Weneʼ uyaʼom che ri kʼax kbʼan che o ri kʼax pa ri ukʼaslemal uqʼatem ri utijoxik ribʼ chirij ri Utzij ri Dios, o uqʼatem che kbʼe ta chi pa ri riqbʼal ibʼ xuqujeʼ che ubʼixik ri utzalaj taq tzij. Rech kubʼan chi jumul ri utz chak che ri Dios, ¿jas kbʼan che utoʼik?

Rajawaxik che qonojel kqakʼut chuwach ri qachalal che qas kqaloqʼoqʼej. Ri e ajkʼamal bʼe chanim kkil ri kajwataj che ri rachilanik ri qachalal rukʼ ri Dios (Sant. 5:14, 15). We xaq jubʼiqʼ tiempo qʼaxinaq che ri waqibʼ ikʼ che kuya ta chi ubʼixik ri utz taq tzij, rech kbʼe chi jumul che ubʼixik ri utzalaj taq tzij weneʼ xaq xiw rajawaxik che jun publicador ko ukojonik kutoʼ. Tekʼuriʼ, we qʼaxinaq chi kʼi tiempo che kbʼe ta chi che ubʼixik ri utzalaj taq tzij, weneʼ rajawaxik más utoʼik. Weneʼ are utz che ktoʼ chi jumul rech kretaʼmaj chirij ri Utzij ri Dios kkoj jun wuj che kubʼan ko che ri ukojonik xuqujeʼ rech nim kril wi ri upatanexik ri Dios. Rumal wariʼ, ri ajkʼamal bʼe che kril ri kbʼan che ubʼixik ri utzij ri Dios kubʼij che jun publicador ko ukojonik kuya ri etaʼmabʼal che (Heb. 5:12-14; chawilaʼ ri kubʼij ri «Sección de preguntas» rech Nuestro Ministerio del Reino re noviembre 1998). We awetaʼm uwach jun winaq che kajwataj wajun tobʼanik riʼ che, chabʼij che ri ajkʼamal bʼe che kril ri kbʼan che ubʼixik ri utzij ri Dios pa ri congregación.

Chiʼ majaʼ kbʼix che jun winaq che kbʼe chi jumul che ubʼixik ri utzalaj taq tzij che kʼi chi tiempo bʼenaq ta chik, utz che kebʼ ajkʼamal bʼe ketzijon rukʼ rech kkilo we taqal che kubʼan chi jumul wajun chak riʼ. Xaq junam kkibʼano chiʼ ketzijon rukʼ jun winaq che nabʼe mul kraj kbʼe che utzijoxik ri utzalaj taq tzij (chawilaʼ ri kubʼij ri wuj La Atalaya 15 rech noviembre 1988, pág. 17 xuqujeʼ ¿Su qas kukʼut ri Loqʼalaj Pixabʼ?, pág. 177, párrs. 9-11). Rajawaxik che ri qachalal che kbʼe ta chi che ubʼixik ri utzalaj taq tzij rukʼ ronojel ranimaʼ kraj kbʼe chi jumul che ubʼixik. Xuqujeʼ rajawaxik kubʼan ri kubʼij ri wuj Organizados pa ri uxaq 98 xuqujeʼ 99 xuqujeʼ kbʼe pa ronojel ri riqbʼal ibʼ pa ri congregación.

We qas kok il che ri jastaq re ri ukojonik kubʼano che kuya ta chi kan ubʼixik ri utzalaj taq tzij, kubʼan nim ri rachilanik rukʼ ri Jehová xuqujeʼ rech kuya ta kan ri bʼe che kukʼam bʼi pa ri kʼaslemal che kʼot ukʼisik (Mat. 7:14; Heb. 10:23-25). We kukoj ronojel uchuqʼabʼ xuqujeʼ kubʼan pa ri ukʼaslemal ri kubʼan jun cristianos, kuya ta chi kan upatanexik riʼ ri Dios (2 Ped. 1:5-8).