QAKʼASLEMAL RI OJ CRISTIANOS
¿Jas kqabʼano rech kojux jun utzalaj ajtijoxel re ri Biblia?
¿La kawaj katux sukʼ chuwach ri kʼax junam rukʼ ri Daniel? Ri Daniel xux jun utzalaj ajtijoxel re ri utzij ri Dios, ri kraj kubʼij che areʼ xunikʼoj ri bʼim kanoq che kʼax uchʼobʼik (Da 9:2). ¿Jas kkun che ubʼanik ri utzalaj unikʼoxik uwach ri Biblia che atoʼik rech amaqʼel katux sukʼ? Katkunik kaya uchuqʼabʼ ri akubʼsal kʼuʼx chrij ri utzujum ri Jehová che qas kbʼantaj na (Jos 23:14). Xuqujeʼ sibʼalaj kaloqʼoqʼej na ri Dios, wariʼ katutoʼ na rech kabʼan ri utz (Sl 97:10). Are kʼu ¿jachiʼ kamajij wi? Chatchoman chkij ri nikʼaj chi pixabʼ.
¿Jas rajawaxik kanikʼoj uwach? Jun utzalaj ucholajil re tijonik kʼo ri e riqbʼal ibʼ. Kariq más utzilal rukʼ ri usikʼixik uwach ri e capítulos re ri Biblia re ri semana we katzukuj ri kraj kubʼij ri kachʼobʼ taj. Xuqujeʼ kʼo jachin kuchaʼ unikʼoxik más ri e bʼim kanoq re ri Biblia, ri e uwachinik ri uxlabʼixel, ri e ubʼinem misional ri Pablo o ri e jastaq che ubʼanom ri Jehová che kqilo. We kpe pregunta pa ajolom chrij ri Biblia, chatzʼibʼaj xuqujeʼ chatzukuj ri kraj kubʼij pa jun chi etaʼmanik.
¿Jachiʼ kinriq wi más etaʼmanik? Kariq más pixabʼ pa ri video Chakubʼal rech kariq más qʼinomal re ri utzij ri Dios. Rech katijoj awibʼ, chatzukuj jachike ri nimaʼq tinamit kʼo utaqanik che kukʼut pa kijujunal ri nimaʼq taq awaj che kriqitaj pa ri capítulo 7 re Daniel.
¿Jampaʼ tiempo rajawaxik kakoj che ri etaʼmanik? Rech qas at utz pa ri akojonik rajawaxik che amaqʼel kkʼojiʼ ri awetaʼmanik. We rajawaxik, chamajij rukʼ kʼutunem che nim taj xuqujeʼ nojimal kanimarisaj ri tiempo. Unikʼoxik uwach ri Biblia xaq junam rukʼ ukʼotik jun jul rech ktzukux qʼan pwaq: are chiʼ más kariqo, más nim riʼ ri jul kawaj kabʼano (Pr 2:3-6). Ri aloqʼoqʼebʼal che ri Biblia kkʼiyik, xuqujeʼ ri unikʼoxik uwach kux jun naqʼatisabʼal chawe che katrachilaj pa ronojel ri akʼaslemal (1Pe 2:2).
¿JAS KRAJ KUBʼIJ RI E NIMAʼQ TAQ AWAJ RE RI CAPÍTULO 7 RE DANIEL?
Da 7:4
Da 7:5
Da 7:6
Da 7:7
JUN CHI PREGUNTA:
¿Jas xbʼan che ubʼanik ri bʼim kan pa ri wuj Daniel 7:8, 24?
JUN CHI CHAK KBʼANIK:
¿Jas kraj kubʼij ri e nimaʼq taq awaj re ri capítulo 13 re ri wuj Apocalipsis?