Jehová keʼuloqʼoqʼej ri e winaq che e chʼajchʼoj

E kʼi nan tat kkikʼut chkiwach ri e kalkʼwal che rajawaxik kkichʼaj ri kiqʼabʼ, kkisukʼumaj ri kicuarto, kkimes ri kachoch xuqujeʼ kkesaj ri mes rumal che kkaj che ri e kalkʼwal e chʼajchʼoj. Are kʼu, ri Dios kraj che oj chʼajchʼoj, rumal che areʼ tastalik (Éx 30:18-20; Dt 23:14; 2Co 7:1). Are chiʼ kojatinik xuqujeʼ chʼajchʼoj ri e jastaq qe, kqaya uqʼij ri Jehová (1Pe 1:14-16). ¿La chʼajchʼoj ri qachoch xuqujeʼ ri uwoja? E jujun winaq kkikʼaq mes pa taq ri bʼe xuqujeʼ pa taq ri parques, are kʼu ri oj cristianos kqakoj qachuqʼabʼ rech chʼajchʼoj ri uwach Ulew (Sl 115:16; Ap 11:18). Paneʼ xa jubʼiqʼ jastaq, junam rukʼ ri kqakʼaq wi ri rij ri e caramel, latas o ri kachʼ rukʼ ri e jastaq riʼ kqʼalajinik we oj chʼajchʼoj taq winaq. Kqaj kqakʼut pa ronojel «chi uj pataninel rech ri Dios» (2Co 6:3, 4).

ARE CHIʼ AWILOM CHI RI VIDEO DIOS KEʼULOQʼOQʼEJ RI E WINAQ CHE E CHʼAJCHʼOJ, CHATZALIJ UWACH RI E PREGUNTAS RIʼ:

• ¿Jas tzij kkikoj ri e winaq rech chʼajchʼoj ta ri jastaq ke?

• ¿Jas tobʼanik kuya chqe ri Taqanik che xyaʼ kan che ri Moisés chrij ri chʼajchʼojil?

• ¿Jas kqabʼan che uyaʼik uqʼij ri Jehová rukʼ ri kqabʼano?