Tat nan, cheʼitijoj ri iwalkʼwal

Oj kʼo cho jun uwach Ulew che ri winaq kkibʼij che ri utz, utz taj y che ri itzelal utz (Isa 5:20). Sibʼalaj bʼisobʼal rumal che e kʼi winaq kkibʼan ri itzel kril ri Jehová, xuqujeʼ kchʼaw chrij ri kubʼan jun achi che rilik jun achi chik o jun ixoq rukʼ jun chi ixoq. Ri e achiʼl pa ri tijobʼal o nikʼaj chi winaq weneʼ kkibʼij chke ri qalkʼwal che kkibʼan ke junam rukʼ ri kkibʼan areʼ. Tat nan, ¿jas kibʼan che kitoʼik ri iwalkʼwal rech kkichʼij ri e kʼax riʼ?

Chikʼutuʼ ri utaqanik ri Jehová chkiwach (Le 18:3). Are chiʼ tajin kkʼiy ri akʼal, chikʼutuʼ ri kajwataj che junam rukʼ ri kubʼij ri Biblia chrij ri sexo (Dt 6:7). Chichomaj: «¿La qakʼutum chkiwach ri walkʼwal jas riʼ ri utz taj kbʼan chke? ¿La ketaʼm che rajawaxik utz uchaʼik ri atzʼyaq kbʼanik? ¿La ketaʼm che ri e nikʼaj chik rajawaxik kkinim ta kibʼ kukʼ? Xuqujeʼ ¿la ketaʼm jas kkibʼano we jun winaq kukʼut pornografía chkiwach o keʼutaqchiʼj che ubʼanik jun jastaq che utz taj?». We ri iwalkʼwal ketaʼm wariʼ, kbʼan ta kʼax riʼ chke (Pr 27:12; Ec 7:12). Are chiʼ keqatijoj ri qalkʼwal kqakʼutu che nim kqil ri sipanik che uyaʼom ri Jehová chqe (Sl 127:3).

ARE CHIʼ AWILOM CHI RI VIDEO CHQAYAKAʼ JUN QACHOCH CHE QAS KUCHʼIJO, CHEQACHAJIJ RI E QALKʼWAL CHUWACH RI «ITZEL TAQ JASTAQ», CHATZALIJ KIWACH RI PREGUNTAS RIʼ:

• 

  ¿Jasche kʼax kkibʼan jujun tat nan che ukʼutik chrij ri sexo chkiwach ri kalkʼwal?

• 

  ¿Jasche rajawaxik ri e tat nan kekikʼiyisaj y kekipixbʼej ri kalkʼwal rukʼ ri utzij ri Jehová? (Ef 6:4).

• 

  ¿Jas chakubʼal uyaʼom ri utinamit ri Jehová chke ri e tat nan? (w19.05-S 12).

• ¿Jasche rajawaxik che kʼo utz tzijonem kukʼ ri alkʼwalaxelabʼ are chiʼ majaʼ keqʼax pa taq kʼax?