¡Jun kʼaslemal che kʼo ta ukʼisik!: kʼakʼ taq chakubʼal re tijonik

¡Sibʼalaj utz che kʼo jun kʼakʼ wuj y jun kʼakʼ folleto rech kqaya etaʼmanik re ri Biblia! Chqataʼ qachuqʼabʼ che ri Jehová rech keqatoʼ ri e winaq rech keʼux tijoxelabʼ (Mt 28:18-20; 1Co 3:6-9). ¿Jas kqabʼan che kikojik ri kʼakʼ taq chakubʼal riʼ?

Rumal che pa ri etaʼmanik are más kqabʼan chi tzijonem rukʼ ri tijoxel, rajawaxik kqakʼex ri kqabʼan che uyaʼik etaʼmanik. Rumal laʼ, chabʼanaʼ wariʼ are chiʼ katijoj awibʼ y are chiʼ tajin kaya jun etaʼmanik re ri Biblia:a

• Chanikʼoj ri kʼutunem y chatchoman chrij ri preguntas.

• Chasikʼij ri textos y chatoʼ ri tijoxel che uchʼobʼik ri kkikʼutu.

• Chakojoʼ ri videos y chabʼanaʼ ri preguntas che kʼo pa ri wuj.

• Chanikʼoj uwach ronojel jun kʼutunem are chi kaya jun etaʼmanik.

Are chiʼ tajin katzijoj ri utzij ri Dios, nabʼe chakʼutuʼ ri folleto rech kawilo we ri winaq kraj kretaʼmaj más (chawilaʼ pa ri uxaq 16 re wajun wuj ri recuadro «¿Jas kbʼan che uyaʼik ri folleto ¡Jun kʼaslemal che kʼo ta ukʼisik! pa ri nabʼe tzijonem?»). We xikʼis unikʼoxik ri folleto y kawilo che ri tijoxel kraj kretaʼmaj más, chakʼutuʼ chuwach ri wuj ¡Jun kʼaslemal che kʼo ta ukʼisik! y chimajij bʼi ri etaʼmanik pa ri kʼutunem 4. We tajin kaya jun etaʼmanik re ri Biblia rukʼ jun chke ri e qawuj, chixqʼax pa ri wuj ¡Jun kʼaslemal che kʼo ta ukʼisik! At katchomanik jachike kʼutunem kimajij chi wi.

ARE CHIʼ AWILOM CHI RI VIDEO CHAWILAʼ RI KBʼAN CHE UKOJIK WAJUN WUJ RIʼ, CHATZALIJ KIWACH RI PREGUNTAS RIʼ:

• ¿Jas kketaʼmaj ri tijoxelabʼ rukʼ ri kʼakʼ wuj?

• ¿Jasche rajawaxik kakʼut wajun video chkiwach ri tijoxelabʼ che kʼate xkimajij ri etaʼmanik?

• ¿Jas utz taq chomanik katkunik kabʼij che ri tijoxel rech kchoman chrij ri kraj kubʼano? (Chawilaʼ pa ri uxaq 16 re wajun wuj ri recuadro «Chomanik nim kibʼanik y ri kkikʼut ri jupuq kʼutunem»).