¿Jas kbʼan che ukojik ri e kʼutbʼal re tzijonem?

Ri e kʼutbʼal re tzijonem qas utz bʼanom che ubʼanik rech kqakojo chiʼ kqatzijoj ri utzij ri Dios. Ri e qachalal che kikojom waʼ taq kʼutbʼal riʼ pa ri kiterritorio uyaʼom utzilal chke. Are kʼu, pa nikʼaj chi lugar kbʼan taj kkojik. Rumal laʼ, are chiʼ keʼel che utzijoxik ri utzij ri Dios, ri publicadores kekunik kkikoj chi jun kʼutunem che utz kkil ri winaq. Are kʼu chiʼ kʼo campañas rajawaxik kqatereneʼj ri pixabʼ che kyaʼ chqe che ubʼanik wariʼ. Ksach ta chqe che ri más nim ubʼanik are ri unimaxik ri taqanik che xuya kan ri Jesús che kqaqʼalajisaj ri utzalaj tzij re ri uQʼatbʼal tzij ri Dios (Mt 24:14).

Are chiʼ jun qachalal kuya jun asignación pa ri riqbʼal ibʼ, rajawaxik che are kukoj ri preguntas y ri texto re ri kʼutbʼal re tzijonem che kʼo pa ri Wuj re chak. Are kʼu, we kbʼixik che kixkunik kikʼex ri kʼutbʼal re tzijonem rumal che ri winaq pa ri lugar che kixel wi qas ta kixkitatabʼej, utz kikʼex ri preguntas, ri texto o ri kibʼan che utzijoxik ri utzij ri Dios are chiʼ kibʼan ri asignación rech kchʼobʼotaj más pa ri lugar che ix kʼo wi. Wariʼ are jun kʼakʼ pixabʼ chuwach ri xyaʼ ubʼixik pa ri uxaq 8 re ri Wuj re chak re junio 2020.