Chakojoʼ ri jw.org rech kariq utz taq pixabʼ

Pa ri uTzij ri Dios kqariq utz taq pixabʼ che kojutoʼ che uchʼijik ri kʼax che kkʼulmataj pa we kʼisbʼal taq qʼij riʼ (2Ti 3:1, 16, 17). Are kʼu jujun mul kajwataj pixabʼ chqe chrij jujun jastaq che rajawaxik kqabʼano. Jun kʼutbʼal, ¿la kajwataj pixabʼ chawe che kikʼiyisaxik ri e awalkʼwal? ¿La tajin kariq kʼax rumal che xkam ri akʼulaj? Y we kʼa at ali o at ala na, ¿la tajin kariq kʼax rumal ri akojonik? Pa jw.org kqariq kʼutunem chupam che esam pa ri Biblia che kojutoʼ chuwach ri e kʼax riʼ y chuwach nikʼaj chi jastaq (Pr 2:3-6).

Pa ri nabʼe uxaq re ri qakʼolbʼal pa internet jw.org, chatok pa ri pestaña «E kʼutunem esam pa ri Biblia» y chachaʼ jas kawaj kawilo (wachbʼal 1). O katok pa «Ri e wuj», tekʼuriʼ «Jupuq kʼutunem» y chachaʼ jas kawaj kawilo (wachbʼal 2). Xuqujeʼ katkunik kariq wariʼ pa JW Library^®.a Utz we kawil ri e kʼutunem riʼ chilaʼ. Jun chi jastaq che katkunik kabʼano are che pa ri buscador katzʼibʼaj wi ri ubʼiʼ ri kʼutunem che kawaj kawetaʼmaj (jawiʼ kʼo wi ri lupa re jw.org).

Chatzʼibʼaj ri e kʼutunem riʼ pa ri buscador y chatzʼibʼaj pa jun wuj ri e kʼutunem che kawaj kasikʼij kiwach.

• Kipixbʼexik ri akʼalabʼ

• Tobʼanik chke ri alabʼom alitomabʼ

• Ri kamikal