¿La knaʼtaj chawe?

¿La knaʼtaj chawe ri awilom kan pa ri wuj Ri Chajinel? Chawilaʼ we katkunik kaya u respuestas ri preguntas riʼ:

¿Jas kubʼan ri Jehová che kilik ri ixoqibʼ?

Ri areʼ jalan ta keril wi ri ixoqibʼ y are ta más nim keril ri achijabʼ. Rumal laʼ keʼutatabʼej, nim kril ri kkinaʼo y kel ukʼuʼx chke are chiʼ kkiriq kʼax y kukubʼsaj ukʼuʼx chkij are chiʼ kuya jun chak chke (w24.01, páginas 15 y 16).

¿Jas kqabʼan che ubʼanik pa qakʼaslemal ri kubʼij Efesios 5:7: «Mibʼan bʼaʼ iwe kukʼ jas ri kkibʼan ri e areʼ»?

Ri apóstol Pablo xubʼij che rajawaxik kqachajij qibʼ chke ri winaq ri kojkitoʼ ta che unimaxik ri Jehová. Xaq xiw ta kqachajij qibʼ chkiwach ri winaq xaneʼ xuqujeʼ chuwach ri redes sociales (w24.03, páginas 22 y 23).

¿Jasche utz taj kqakoj juntir ri kbʼix chqe?

Rajawaxik kqachajij qibʼ chuwach ri kkitaq lo ri qachiʼl chqe rumal che qetaʼm taj we qastzij ri kubʼij, ri correos electrónicos ri kkitaq lo ri winaq chqe che qetaʼm ta kiwach y ri winaq che kkibʼij che kkaj kketaʼmaj chrij ri Biblia pero e apóstatas (w24.04, página 12).

¿Jas qetaʼm y jas qetaʼm ta chrij ri kubʼan na ri Jehová che uqʼatik tzij puwiʼ ri rey Salomón, ri winaq re Sodoma y Gomorra y ri xekam pa ri Diluvio?

Qetaʼm taj we keʼukʼastajisaj ta chik, pero qetaʼm che ri areʼ kril ri kʼo pa kanimaʼ ri winaq y kutoqʼobʼisaj kiwach (w24.05, páginas 3 y 4).

¿Jas kraj kubʼij che ri Jehová are jun Nimalaj Abʼaj? (Deut. 32:4).

Kraj kubʼij che kojkunik kqatzukuj ri utobʼanik ri Jehová. Kojkunik kqakubʼsaj qakʼuʼx chrij, rumal che amaqʼel kubʼan ri kubʼij. Xuqujeʼ kʼo ta kslabʼanik, rumal che kukʼex ta ri ubʼantajik y ri kraj kubʼano (w24.06, páginas 26 kopan 28).

¿Jas kojtoʼwik rech kukʼam qawach pa jun kʼakʼ congregación?

Kqakubʼsaj qakʼuʼx che ri Jehová kojutoʼo junam rukʼ ri xubʼan kukʼ ri upatanelabʼ ojer, keqajunamaj ta ri e qachalal rukʼ ri congregación ri xojkʼojiʼ wi nabʼe, kojkʼojiʼ kukʼ ri qachalal re ri kʼakʼ qa congregación y keqatzukuj qamigos (w24.07, páginas 26 kopan 28).

¿Jas kqetaʼmaj chrij ri oxibʼ ejemplos kʼo pa Mateo capítulo 25?

Ri kqetaʼmaj chkij ri chij y ri kʼisikʼ are che rajawaxik kojnimanik y ri 10 qʼapoj alitomabʼ kqetaʼmaj che rajawaxik kojkʼaskʼatik y xaq oj preparados y ri kqetaʼmaj chrij ri talentos are che rajawaxik kqabʼan ri chak che yaʼom chqe (w24.09, páginas 20 kopan 24).

¿Jampaʼ unimal ri uchiʼ ri templo (pórtico) re ri Salomón?

Pa jujun taq biblias rech ojer kubʼij «120 codos», pa 2 Crónicas 3:4 wariʼ kraj kubʼij che are jun nimalaj torre ri 53 metros (175 pies) raqan. Pero e jujun chi biblias kkibʼij che ketan «20 codos», kraj kubʼij 9 metros (30 pies) ketan ri raqan. Rumal ri upimal ri paredes re ri templo kukʼutu che weneʼ 20 codos ketan ri raqan (w24.10, página 31).

¿Jas kraj kubʼij che ri tobʼanelabʼ «xa jun ri kixoqil»? (1 Tim. 3:12).

Ri tobʼanelabʼ ri e kʼulan chik rajawaxik xa jun kixoqil kkʼojiʼk, kkixutuj ri inmoralidad sexual y rajawaxik kkichajij kibʼ rukʼ ri kkibʼan che kichʼabʼexik nikʼaj chi ixoqibʼ rech kchomax taj che xa utz kekilo (w24.11, página 19).

¿Jasche qetaʼm che ri kubʼij pa Juan 6:53 are ta ri kbʼan che Unaʼtajisaxik ri Ukamikal ri Jesús?

Ri Jesús xubʼij pa Juan 6:53 che rajawaxik ktijow ri u cuerpo y ri ukikʼel. Are chiʼ kʼo pa Galilea pa ri junabʼ 32 xubʼij ri e tzij riʼ chke ri winaq ri kʼa majaʼ kekojon chrij. Pero are chiʼ qʼaxinaq chi jun junabʼ y xubʼan ri Kʼisbʼal Waʼim xuqujeʼ xubʼij ri e tzij riʼ pero xaq xiw chke ri apóstoles xubʼij wi che kebʼe rukʼ pa ri kaj (w24.12, páginas 10 y 11).